ستشفي ابو الريش قتلت الطفلة الجميلة أميرة

ستشفي ابو الريش قتلت الطفلة الجميلة أميرة

الإسم :
الدولة : مصر
الإيميل :
التليفون :

تاريخ إرسال الشكوي :
Monday 4th of October 2010 01:31:29 PM
الموضوع :
مين اللي قتل أميرة؟ يرحمكم الله السيد وزير الصحة: لقد اولاك الله مهمة جليلة علي ارضه بأن تكون خليفته علي الارض .. احببناك كثيرا لحرصك علي صحة اولادنا .. استحميك عذرا سيدي .. اني ابحث عن كلمات رجاء مناسبة للواقعة التي تحدث كل يوم .. أرجوك أرجوك أرجوك ان لا تسمح للتلاميذ بكلية الطب ان يعاملوا اولادنا كفئران تجارب .. ارجوك ان تضع شروطا قاسية علي الاطباء ذوي الخبرة ان لا يسمحوا لاي طبيب حديث او تلميذ يلعبوا باعمار اولادنا .. اغيثنا سيادة الوزير .. اغيثنا .. يرحمكم الله .. نحن أمانة .. أطفالنا أمانة. أولا اسمح لي سيادتكم ان احكي لك عن طفلة كان مصيرها الموت في مستشفي حكومية اسمها ابو الريش .. أميرة طفلة كان نصيبها انها تروح مسنشفي من المستشفيات اللي بتعالج الأطفال للاسف راحت مستشفي ابو الريش الياباني .. أم عندها بنت اسمها اميرة عمرها ١٣ سنة مولودة بمرض السكر .. في ليلة السكر زاد وراحت في غيبوبة الام علشان اد حالها واديتها مستشفي أبو الريش .. ادو البنت ادوية وحقن. السكر قل بنسبة كبيرة جدا مرة واحدة .. البنت وهي في طريقها للبيت جالها تشنجات علي فترات. الام وديتها تاني المستشفي وراحت البنت في غيبوبة وقعدت في ابو الريش ٣ شهور ومفيش تحسن اطلاقا .. طلبوا من الأم الخروج من المستشفي لانهم عملوا اللي عليهم ..البنت دخلت كويسة جدا وخرجت من عندهم عندها ضمور في المخ ٣ شهور والبنت عندها ضمور في المخ .. مش بتتحرك من السرير وبعد خروجها من المستشفي الام طلب اوراق البنت من المستشفي .. حسب كلام الام .. خبوا اوراق وادوها اوراق .. .. الام حست انهم عملوا مصيبة وخطأ شنيع في بنتها .. خرجت من المستشفي وفي اول ليلة بدأت أميرة حرارتها ترتفع توصل لدرجة ٤٠ فضلت ٣ أيام والحرارة مش بتنزل .. لما عرفنا كدة ودناها مستشفي السلام الدولي الدكاترة هناك .. قالوا ان دخولها العناية المركزة مش حيفيدها .. مش حيضيف حاجة لحالتها .. وانها لازم تتعرض علي دكتور مخ واعصاب وباطنة .. وأكدوا لنا كمان ان استحالة نسبة السكر تقل او تزيد تؤدي لضمور في المخ . الدكتور اكد لنا ان الطفل المريض بالسكر ممكن يعيش ل ٨٠ او ٩٠ سنة روحت اميرة البيت .. وبليل بدأت اميرة ترتعش والحرارة مش بتنزل برغم محاولات الام معاها المستميتة من حقنة لتخفيض الحرارة واستحمامها في ماء بارد .. المهم مطولش عليكم .. أميرة قابلت رب كريم رحيم بيها .. ربنا رحمها من عذاب الدنيا وادخلها فسيح جناته وابدلها دارا خيرا من دارها واهلا خيرا من اهلها انا عارفة ان قضاء ربنا سبحانه وتعالي خيرا لها ربنا احن عليها منا جميعا انا كل اللي اتمناه ان مفيش طفل مصري يتعرض اللي اتعرضت ليه اميرة .. اهمال من دكاترة .. خطأ جريمة ارتكبوه في حق البنت المسكينة .. اتمني ان اللي حصل ده ميحصلش لاي طفل في العالم . واللي أخطأ لازم يتجازا لازم يتعاقب علشان يبقوا عبرة .. وميبقباش دم ولادنا رخيص .. دم ولادنا غالي اوي اوي حالة اميرة حالة بلادنا .. أميرة غالية وكل طفل وطفلة غاليين .. دمهم ميرحوش هدر عايزين ننقذ اطفال المستقبل الغلابة من ايدين متعرفش الرحمة .. ايد الاهمال قولوا اي تسمية .. ربنا يحفظنا ويحفظ ولادنا وبلادنا من كل سوء اللهم آمين وهذا رقم تليفون أم أميرة .. والدتها التي عانت مرضها ابنتها الكبري وموتها في نهاية المطاف .. الرجاء اطفاء نار قلب أم فقدت ابنتها الحبيبة الكبري 0149706295

هل لديك اقتراح بخصوص هذه الشكوى ؟
أرسل لنا وساهم في إنصاف صاحبها .

عدد زوار هذه الشكوي 2725