يا جماعة يعني الدنيا ضاقت وخلاص بقت المنشية هتموت وعايزة مركز الشباب يبقي مجهز مية مية طب سيبوكو من المنشية وشوفوا القري المجاورة ليها زي قرية نزلة خيال واللي اكيد اللي اتكلموا قبلي عارفينها كويس اوي تعالو شوفوا مية الشرب اللي مقطوعة من شهر فات وبتيجي في فترات متقطعة ولما بتيجي ما بتكملش نص يوم ولا هو عنطزة وخلاص ويجعله عامر

السلام عليكم ورحمة الله وبركاته وانا والله بكتب الكلام ده وانا حذين على قريتنا الحبيبة منشاة رضوان بصراحه خلتوها خل طبعا انا فى قلبى حجات كتير حابب اتكلم عنها مش حقول النادى اللى بايظ ولا حقول مياه الشرب اللى سمعة كلام المطربين وزورونى كل سنه مرة ولا حتكلم عن الطرق الداخليه والخارجيه ولا حتكلم عن الزبالة اللى مالية الشوارع وسلملى على البلديه ولا حتكلم عن تكسير الطرق بعد الرصف .............. الخ بسى انا حابب اوجه كلمة للمسئولين بالمجلس المحلى واتمنى يكون فيهم واحد بس شاف الكلام ده بخصوص الاناره مش حقول على الطريق الرئيسى بسى حقول الاناره على الترب بتاعة المنشية والله العظيم الحامل لو مشيت فى الطريق ده بالليل حتطرح اللى فى بطنها من المنظر المرعب واللى خلانى اقول الكلام ده كنا فى دفنة احد رجال المنشية والله منظر الليل مرعب مفيش اناره ومفيش حد شايف حد الناس طلعت من بيوتها بالكشفات والكلوبات عشان الناس تشوف تمشى حسستونى ان احنا لسا فى ذمن رد قلبى فين الاناره يامجلس وجزاكم الله كل خير امضاء_غيور_

دة نظام عشوائى لان مفيش رقابةياريت يكون فية تفتيش من الوزارة حتى يتمكن الشباب من تنمية مواهبو ويكون جيل ناجح لان الرياضة تونمى الزكاء عند الشاب فى مراحل النضوج

بسم الله الرحمن الرحيم صوتك امانه بعد السلام عليكم والتحية الطيبة اليكم والسلام هو تحية الاسلام اخوتى واخواتى اهل القرية الطيبة قرية منشاة رضوان طفح الكيل من الكلام اللى لا يودى ولا يجيب احنا معترفين ان المناخ فاسد لا محاله ولا كن انا حابب اتكلم على شىء خطير وهو انتخابات مجلس الشعب القادمة اعتقد ان احنا فى مرحلة صعبة للغايه ومبقاش ينفع سزاجة زمان والكلام ده انا اخص بيه اهل المنشية لان بصراحه زمن الهق والمق والطبله والرق مضى عليهم عصور احنا فى زمن لا نحسد عليه ندخل فى الموضوع .. على مدى السنين بل العصور بل القرون اللى فاتت كام واحد وصل قبة مجلس الشعب فى ابوكبير وكام خدمة قدموها وكام مدرسه شيدوها وكام مستشفى بنوها والله لو حسبتو الخدمات اللى قدموها هؤلاء الاعضاء للبلد لا تساوى مصاريف يوم من ايام الانتخابات وتلاقى العضو قبل الانتخابات يتصرف مع الشعب كانه مقبل على الزواج وبعد الانتخابات كانه قد تزوج ومهمته هى رفض المطالب الزوجية وكل اللى حصده الشعب المسكين هى اكاليل من الشعارات الطنانه التى لا تثمن ولا تغنى من جوع وبعد الانتخابات متعرفش بيروح يحج او بيجيلو عقد عمل خارج مصر مدة توليه منصب العضويه والعقد بيخلص ويتفنش من الخارج ويجى علشان ياخذ ممانعه جديده وعقد جديد ؟؟؟ المشكله ان هؤلاء الاعضاء مفكرين انهم كده بيضحكو على الشعب بسى عن طيب خاطر او سزاجه من الشعب بسى المشكله عدم الوعى اللى معظم الاهالى بل اغلبهم مش عارفين اخرة المطاف بسى احب اقول كلمة للشعب المصرى ان بصوتك بتحدد مصير اولادك والاجيال القادمة فمن المفروض انك تحدده صح وتديه للى يستحق ويخدم البلد ويكون رهن اشارة اهالى البلد فى اى مصلحة عامة وليست خاصه علشان بعد كده منعملش الظروف شماعة واحنا داخلين على مرحلة صعبة والازمة العالمية اكلت الاخضر واليابس فاتمنى فى الانتخابات القادمة عدم التهاون والا مبالاه مع احترامى لجميع هيئة وقبة البرلمان المصرى اللى انا بفتخر بيه وبالحكومة المصريه برضو عن طيب خاطر ؟؟؟؟؟ صوتك امانه اخيكم ميدو رشوااااااااان

اخوتى واخواتى ارجو قراءة هذا جيدا وهذا الكلام بخصوص الوباء الذى جاءنا من الغرب وهى انفلونزا الخنازير والعياذ بالله في معظم البلاد الغربية بما فيها أوروبا ، الاختيار الأول للحوم هو : الخنزير ، وهناك الكثير والكثير من المزارع في هذه البلاد لتربية هذه الحيوانات، في فرنسا وحدها ، عدد الخنازير تقريبا 43 ألف ويعتبر لدى الخنزير أعلى نسبة دهون في جسمه من أي حيوان آخر ، وبما أن الأوروبيون والأمريكان يحاولون تفادي الدهون ، اذا فأين تذهب هذه الدهون؟ كل الحيوانات التي يتم ذبحها في السلخانه تحت اشراف قسم الأغذية ؟ كان يتم احراق هذه الدهون وذلك من ستون عاما مضت ، وبعد ذلك فكروا في اعادة تصنيعها واستخدامها في عمل الصابون ونجح الأمر وبعد ذلك تقدم الأمر وكبرت هذه الصناعة، وتم رواجها والمتاجرة فيها بواسطة الشركات الصناعية الأخرى. وفي هذا الوقت طالبت كل الولايات الأوروبية بقاعدة وضع المكونات على كل المنتجات الغذائية والأدوية ، فتم وضع كلمة : دهن الخنزير، وكل من عاش في أوروبا منذ 40 عاما يعرف هذه الحقيقة ولكن هذه المنتجات تم وضع الحظر عليها من قبل البلاد الاسلامية ، وبالتالي حدث كساد في تجارتها، واذا كانت لك علاقة بشمال آسيا ، يمكنك أن تعرف بالعامل المحفز رقم 1857 الخاص بالحرب الأهلية ، في الوقت الذي كانت تصنع فيه الطلقات في أوروبا ويتم تصديرها عبر البحر، ولكن كانت تفسد الطلقات عند وصولها بسبب رطوبه البحر فجاءتهم فكرة تغليف الطلقات بدهن الخنزير و الذي كان يجب أن يخدش الجندي بأسنانه هذه الطلقه قبل استعمالها وعندما انتشر الخبر ، امتنع الجنود المسلمون والجنود النباتيون وعندما بدأت الحرب العالمية ، وادرك الأوروبيون هذه الحقيقة ،و بدأوا يكتبون دهن حيواني بدل كلمة دهن نباتي وكل الذين عاشوا في أوروبا في السبعينات يعرفوا هذه الحقيقة وعندما سأل المسئولين عن ماهية هذا الدهن الحيواني كانت الاجابة أنه دهن الأبقار والغنم وهنا أيضا ظهرت مشكلة أن هذه الحيوانات لم يتم ذبحها على الطريقة الاسلامية بالتسمية والتكبير قبل الذبح، ولذلك تم منعها أيضا ، مما أدي الى أن واجهت هذه الشركات متعددة الجنسية هبوط في مستوى المبييعات لأن نسبة 75 % من مبيعاتها يتم تصديرها الى البلاد المسلمة مما يعود عليهم بربح بليونات الدولارات وأخيرا قرروا البدء في استعمال شفرة يعلمها فقط العاملين في قسم ادارة الأغذية فلا يفهمه رجل الشارع الذي يتعامل مع هذه المنتجات وهذه الe شفرات مرقمة وهذه المنتجات تتضمن معظم الذي نستعمله : معجون الأسنان، كريم الحلاقة ، اللبان ، الشيكولاتة، الحلويات ، البسكويت ، وحتى الكورن فليكس ، والتوفي والأطعمة المعلبة والفواكه المعلبة أيضا الى جانب بعض الفيتامينات وبما أن هذه المنتجات يتم استعمالها في البلاد المسلمة ويواجه فيه مجتمعنا بعض المشكلات العديدة مثل قلة الحياء و العنف والاعتداءات على الأعراض وخلافه فأنا أطلب من كل مسلم أن يتحقق من مكونات كل ما يشتريه و هذه هي قائمة الشفرات للمنتجات التي تحتوي على دهن الخنزير E100, E110, E120, E 140, E141, E153, E210, E213, E214, E216, E234, E252,e270, E280, E325, E326, E327, E334, E335, E336, E337, E422, E430, E431, E432, E433, E434, E435, E436, E440, E470, E471, E472, E473, E474, E475,e476, E477, E478, E481, E482, E483, E491, E492, E493, E494, E495, E542,e570, E572, E631, E635, E904. وشكرا جزيلا ارجو نشر هذا الموضوع للاهميه تجنبا للوباء القاتل وانا قد قمت بنشره على اكثر من 300 موقع والبقيه تاتى اخيكم ميدو رشوان

بسم اللة الرحمن الرحيم ان اختلاف الاراءدائما ما يكون للصالح العام، وما رايتة من تعليقات فى مجملها انما تدل على حب ابنا المنشية لبلدهم، وتعليقى اتمنى ان يضيف ولو جزء بسيط فى اظهار الحق ، نعم كلنا مجمعون على سوء حالة النادى والملاعب ولكن لماذا النادى فقط هو الذى نشتكى من اجلة وكل شى وبدون مبالغة غاية فى السوء احنا بالضبط واقعين فى وسط شلة حرمية ،النادى ، المجلس ، الجمعية الزاعية ، وربنا هو المنتقم

ردا على الاخ الاستاذ ؟؟ انا معاك فى جو الفساد المحيط بنا واتمنى ان يكون موقع هموم هذا لكشف بؤر الفساد المحيطه بنا .. بمعنى انت تقول ان النادى والمجلس والجمعيه ..... الخ من هنا كل واحد يقدر يكتب نقط الفساد اللى شايفها ويفضح الفاسد على هذا الموقع الرائع يطتب واى واحد يشوف حاجه غلط يكتبها بالتفصيل وبالدليل وبالاسم من هنا حيقل الفساد لان كل واحد شايف انه حينفضح من خلال هذا الموقع بالتاكيد حيتغاضى عن الفساد اللى بيقوم بيه واتمنى اللى يكتب ميخفش ويكتب بالاسم بسى يكون عنده دليل علشان منجرحش الناس بالباطل والعيار اللى ميصبش ...... يدوش ..... وشكرا """ ميدو """