ارجو قرأت رسالتى وارجو الرد عليها

ارجو قرأت رسالتى وارجو الرد عليها

الإسم :
الدولة : مصر
الإيميل :
التليفون :

تاريخ إرسال الشكوي :
Saturday 5th of April 2008 09:00:29 PM
الموضوع :
السلام عليكم ورحمة الله وبركاته تحية طيبه وبعد ليس عندى حل لان انا عندى مشكلة وفاقد الشئ لا يعطيهومشكلتى هذه عرضتها على سيادتك يا استاذ محمود سعداكثر من مرة دون جدوى انا زوجة وام لخمس ثلاث ولاد وبنتين وزوجى عاجز تمامابسبب تخرم وتليف بالاعصاب اليسرى من جسمه وضمور فى العضلات وصل للمخ وعاجز عن الحركة يتحرك فى البيت بكرسى متحرك هالك ظروفنا من 17 سنة كانت كويسة كان مسافر لدولة عربية ونزل سنة 1991 بعد ما بدأت اعرض المرض تظهر عليه ويتكأعلى عصاه وطبعا ما كنش عمل لينا حاجة غير انه اخذ لنا شقة ايجار فى فيصل ومبلغ انتهى بسرعه جدا لان ما كنش فيه دخل لينا وبعدها بدأت الازمات والديون وولادى بيكبروا ومحتاجين مصاريف مدارس ومصاريف معيشة الخ انا ما كنتش بشتغل ولكن ليه صديقة بنت حلال بتعمل بالاذاعة قدمت ليه على وظيفة وقبلت فيها كاتبة آلة كاتبه بدبلوم تجارة كان سنة 1997 طبعا اشتغلت وسنى 39 سنه وراتبى كان 120 جنيه والان وصل 300 جنيه اخذت من سنتين سلفة لسداد بعض الديون من البنك الاهلى وطبعا اتخصم اكتر من نصف الراتب وبأخذحوافز 125 جنيه يعنى برضه حوالى 300 جنيه بدفع ايجار 92 جنيه وكهربه بحوالى 40 والباقى المفروض منه مصاريف مدارس ومصاريف للبيت وعندى بنتين واحدة مكتوب كتابها والتانية مخطوبه ومحتاجين جهاز كل ده اكمله منين ودواء لى لان الدواء فى الاذاع بقى بخصم 25% فقط وندفع 75% لو اخذنا علاج وغير ان زوجى محتاج دائما دواء لحالته حتى لا تسؤ عن كده اعمل ايه اعمل ايه دلونى يا اهل الخيرنفسى اجهز البنتين وازوجهم لكى اطمأن عليهم انا وابوهم ونفسى اولادى يستمروا فى التعليم واحد فى تانية ثانوى عام وواحد فى تانية اعدادى اما ابنى الكبير 27 سنه سافر الامارات واحد صحبه بعت له فيزة زيارة وبعنا جزء من شبكة اخته بعلم خطبها عشان نقطع له التذكرة ولكنه تعبان هناك وجد عمل بدون سكن وصحبه فى اماره غير اللى هو فيها ومش عارف يعيش هناك وعايز ينزل واحنا هنا مش عارفين هنعمل ايه نجيب لاخته باقى شبكتها اذاى لان خطبها قال اول ما يشتغل يبعت نجبها وغير الديون اللى اتكومت عليه تانى بعد ما سددتها من السلفة بسبب ان دخلنا مش بيكفى لاى شئ .ديه قصتى ارجو ان يتطلع عليها استاذ" محمودسعد" ضرورى ضرورى يمكن يجد لى حل وانا عايزة اجوز البنت اللى مكتوب كتابها حتى والتانية ربنا يسهل مع ان خطبها عايز يدخل على شهر 7 لانه كنا متفقين على شهر 3 واجلنا لعدم امكانية جهازها ارجوكم انت تنظرو لرسالتى بعين العطف والشفقة لان مسئوليتى ثقيله عليه قوى والحمل ثقيل ارجوكم خفوا الحمل عنى بيد المساعدة . واسفه جدا جدا على طول رسالتى لكن اردت ان اصف لكم حالى وشكرا . رجائى الرد عليه ارجوكم فى الحالتين هتسعدونى ام لا ... ارجو عدم ذكر بيناتى لعدم احراجى وشكرا --------------------------------------------------------------------------------

هل لديك اقتراح بخصوص هذه الشكوى ؟
أرسل لنا وساهم في إنصاف صاحبها .

عدد زوار هذه الشكوي 783