|
¤ قبل أن ترسل همومك
¤ ماذا يمكنك ان تفعل ؟
¤ قضايا و هموم عامة
¤ قائمة الدول العربية
¤ شكاوي تم الرد عليها
|
¤ المسيحيين ¤ الشيعة ¤ البدون ¤ الأمازيغ ¤ البهائيين ¤ المرأة ¤ الطفل ¤ أخرى |
بيان إطلاق موقع هموم
موقع هموم بعد مرور عامين
موقع حقوقي عربي تطوعي يجذب عشرة ملايين زائر سنويا
الشكاوى والموضوعات المنشورة على الموقع لا تعبر عن وجهة نظر الشبكة العربية لمعلومات حقوق الإنسان ، وهي منسوبة فقط لمن أرسلها . |
مواقع تابعة للشبكة العربية
|
جنسيتى الإسم : الدولة : مصر الإيميل : التليفون : تاريخ إرسال الشكوي : Tuesday 23rd of November 2010 08:41:01 AM الموضوع : استاذى الفاضل / عبدالله نصار انا من اشد المعجبين بما تكتبه من تساؤلات . اولا ارجو ان التمس العزر لانى هكتب لك بالعاميه عشان عايز اقول اللى فى قلبى من غير ما اتصنع الكلمات وعايز اوجه لك سؤال يمكن الاقى جواب عليه لانى مش حاسس بجواب عليه قولت ابعتلك فى تساؤلات يمكن الاقى جواب عن سؤالى اللى مش لاقيله جواب انا شاب حاصل على دبلوم المدارس الفنيه الصناعيه قسم كهرباء والدى مصرى . ابن مصرى ابن مصرى ابن مصريه بنت مصريه بنت مصريه والدى من ابطال حرب اكتوبر وله الشرف انه حارب وكان دايما وماذال فخور بانه شارك فى حرب اكتوبر ودايما يقولى شوف يا ابنى دى شهاده تقدير من مصر انى شاركت فى الحرب ودايما يحكى بفخر وتباهى بالمواقف اللى شافها فى الحرب ربانى على الوطنيه وعشق تراب بلدى ولما دخلت الجيش كنت فخور وانا بخدم بلدى وكنت ارى والدى امامى وكان دايما يقولى لما ارجع من اجازه اهلا اهلا بالوحش . ولما كنت ارجع لوحدتى كان دايما يقولى مع السلامه يا وحش. وسلم لى على الوحوش زميلك. خلصت خدمتى ومرت وكانها حلم جميل لانى كنت مستمتع وانا فى الخدمه وخرجت قدوه حسنه وفى مدينتى المحوديه بحيره فى هناك محطه كبيره لتوليد الكهرباء بتنشئ كان والدى دايما يقولى خلص جيشك وباذن الله هتشتغل فيها انت من ابناء المدينه اللى فيها المحطه وحاصل على دبلوم كهرباء وفوق ده كله انت ابن من ابطال حرب اكتوبر يعنى ان شاء الله هيكون لك عيش فيها بس خلص جيشك انت بس . واخد والدى اوراق تعينى عشان يقدم ليا فى المحطه بعد ما انتهت من انشائها لقيت والدى راجع وهو مكسور النفس وبيقول انت مش من ابناء العاملين فى الكهرباء . قولت ازاى انا من ابناء مصر ومن ابناء ابطال حرب اكتوبر ومصرى . رد والدى وقالى ايوه يا ابنى بس انت مش من ابناء العاملين فى الكهرباء مالكشى تعين يعنى جنسيتك مختلفه مش مطلوبه ..... سؤالى يا استاذى الفاضل عبد الله نصارجنسيتى ايه .انا مصرى من ابناء مصر عايز اعرف لانى اللى اعرفه كويس انى مش من ابناء العاملين يبقى جنسيتى مختلفه ولا ايه ارجو الاجابه المقنعه او عدم الرد نهائيا وانا هفهم جنسيتى ايه بعدم ردك عليه . ابنك محمد خليل حواس/ المحموديه بحيره /خلف عماره المعلمين .... هل لديك اقتراح بخصوص هذه الشكوى ؟ أرسل لنا وساهم في إنصاف صاحبها . |