الرحمه لمرضى الفشل الكلوى

الرحمه لمرضى الفشل الكلوى

الإسم :
الدولة : مصر
الإيميل :
التليفون :

تاريخ إرسال الشكوي :
Monday 14th of April 2008 09:06:35 AM
الموضوع :
السلام عليكم ورحمه الله وبركاته . فى موضوع فى غايه الاهميه ارجومن سيادتكم الاهتمام به لانقاذ حياه مرضى الفشل الكلوى . هناك مستشفى غسيل كلوى تدعى الراعى وعنوانها الاتى .عزبه النخل لصاحبها الدكتور شحاته.حسبى الله ونعم الوكيل فيه.عنده مكن الغسيل الكلوى قديم جدا لدرجه ان الممرض الذى يقوم بتركيب الابر لتوصيل المريض على الماكينه دايما فى جيبه مفك لظبط الماكينه اول بأول والمرضى الذين يعانون من الفيروس الكبدى الوبائى Cالمفروض ان لهم مكن لوحدهم يغسلو عليه هو معندوش الكلام ده كله سلطه وبالتالى اللى معندوش فيروس Cهايجيلو فيروس C خاصه ان الفرق بين المريض اللى غسل وقام الفرق 5دقائق بينه وبين اللى بعده يعنى المكن مابيخدش وقته فى التعقيم غير ان امكن قديم مش كده وبس بيجى الدكتور ناجى شحاته كل فتره ويقول للمرضى مفيش غسيل يوم الاثنين او الجلسه اللى فى نصف الاسبوع ونقوله ليه كده يادكتور يقول مش لاقى فلاتر اويقول الوزاره مش عايزه تدينى فلوس وفى اخر كلامه يقو اللى يتعب يجى والجلسه بــــــــــ200جنيه ويحاسب الوزاره على 3جلسات اسبوعيه وهويغسل 2جلسه اسبوعيا مش كده وبس المفروض ان الوزاره بتصرف 100جنيه علاج شهرى يقوم الدكتور ناجى شحاته بصرف العلاج من الصيدليه عنده بقيمه اقصاها80جنيه شهريا وفى احيان لايصرف العلاج ويخلى المرضى يمضو على انهم صرفو العلاج وانهم غسلو 3جلسات والمرضى غلابه مش فاهمين اى حاجه .وبالنسبه للتفتيش الذى يتم من وزاره الصحه هناك افراد من يخالفهم ضمائرهم اويكادو معدومين الضمير (الرشوه)وارجومن سيادتكم باتخاذ الاجراء اللازم معاه وتليفون المستشفى 24426270. الامضاء:مريض من المرضى الذى اصيبو بفيروس C انا اسف انى مش هاقدر اقول اى بيانات عنى عشان الدكتور ناجى عنده جبروت جامد لدرجه انه ممكن يضرنى

هل لديك اقتراح بخصوص هذه الشكوى ؟
أرسل لنا وساهم في إنصاف صاحبها .

عدد زوار هذه الشكوي 783