السلام عليكم ورحمة الله وبركاته السيد وزير التربية والتعليم تحياتى اما بعد انا طالبة بمدرسة المنصورة الثانوية بنات اليوم كان اخر يوم فى امتحانات العملى والمفروض ان بعد الامتحان على طول بتتفتح البوابة وبيسمح للطلبة بالخروج لكن ده ما حصلش والمديرة (سامية عبد الظاهر)قفلت البوابة للساعة الواحدة ظهرا حتى تجبر المدرسين على عدم الخروج لوجود الطلبة وبحجة عشان الطلبة تستفيد مع العلم باننا مخلصين المناهج فما حدش شرحلنا حاجة خالص النهاردة وده المفروض أصلا وفضلنا قاعدين وخلاص واهالى الطلبة الذين حضروا لاصطحابهم بعضهم وافقتلهم وبعضهم كلمته بأسلوب مستفز ولم توافق لهم مما أدى لمخالفة بعض الطالبات لاوامرها وخروجهم من المدرسة دى حاجة اما بقى ان يبقى عندنا اليوم الدراسي من الساعة 8 الصبح لحد الساعة 2ونص والفسحة عشر دقايق بس وبيتشرح لنا ييجى 7 مواد مختلفة فى اليوم فين بقى العقل الى يقدر يستوعب كل المواد دى ورا بعضها وياريتنا بنفهم حاجة السنة اللى فاتت مكناش بنروح طبعا بسبب انفلونزا الخنازير وانا بعتبرها احسن سنة مش كرها فى المدرسة ده لان المدرسة بتضيع الوقت من غير اى لازمة فأنا بقترح انها تبقي زى نظام الدروس يعنى يبقى بالكتير فى اليوم اربع مواد وتتشرح باتقان زى الدروس بالظبط وياريت كمان كتب الوزارة تتغير لانها ما فيش فيها حاجة اصلا تتذاكر ومابنفتحهاش ملحوظة: انا مجموعى السنة اللى فاتت كان 287 من 300 يعنى الكلام ده مش كلام طالبة فاشلة وبتقول اى حاجة وخلاص ارجو عدم تجاهل شكوتى ومحاولة مناقشتها وشكرا