الموضوع ياناس بخصوص طريق .. بالعربي ماعندنش طريق .. انا من سكان الجبل الاخضر وبالتحديد ريف مدينة المرج .. نحن حوالي 10 منازل متضررين لعدم وجود طريق كويسه قاعدين منعزلين عن المدينه وعن المدارس والاسواق .. مشينا للمسؤلين في مؤسسة الطرق والسكه الحديديه وشلنا ملفات للطريق وجرينا واجد في بنغازي وفالاخير جو مهندسين قاسو الطريق وخذرونا بكلامهم ع اساس ساير منها .. مشينا راجعنا في طرابلس قالولنا طريقكم مافيش من الاساس معش عرفنا انسرقت ولا ماكانتش موجوده من الاساس ولا شنهو بزبط .. ياناس ياعالم يالي فيدكم مصلحة الطرق بالله يمشن طرق بمسافة 10 كيلو عشان حوش وحوشين ونحنا 10 حيشان مش قادرين تديرولنا طريق بطول 2.5 كيلو .. خافو الله فينا نحنا في سنة 2011 معقوله مازلنا نسألو عن طريق خصوصآ في هالوقت بالذات وبلادنا ماشاءالله في تقدم تنموي .. نسأل الله ان يكون ندائي ذو صدى عند ذوي الشأن والقرار .. والسلام عليكم