الشركة المصرية للحوم والدواجن

الشركة المصرية للحوم والدواجن

الإسم :
الدولة : مصر
الإيميل : [email protected]
التليفون : 25901066
تاريخ إرسال الشكوي :
Friday 23rd of May 2008 03:01:19 PM
هل ترغب في زكر معلوماتك الشخصية : نعم
طبيعة الموضوع : شكوي

الموضوع :
السيد الاستاذ/ اى مصرى شريف – المحترم السلام عليكم ورحمة الله وبركاته العاملين بالشركة المصرية للحوم والدواجن يكتبون لكم عشان تقفوا معاهم فى منع تصفية وبيع الشركة لأنها اولا شركة قطاع عام وبياكلوا منها وأولادهم عيش والثانية لأنها الشركة اللى بتقدم اللحمة بسعر رخيص 30 جنيه بس للبيع فى المجمعات الاستهلاكية لشركات – النيل – الاهرام – اسكندرية -. وعشان المهندس احمد الركايبى رئيس الشركة القابضة عاوز يصفى الشركة مش عارفين ليه ولمصلحة مين جاب للشركة اثنين على المعاش الاول سعد زيدان خارج على المعاش من سنين طويلة وكان يعمل فى وزارة التموين والثانى اسمه جلال حسب النبى شارك احمد الركايبى فى بيع شركة بسكو مصر وطلع معاش مبكر وجابه الركايبى عشان يهندس بيع وتصفية شركة اللحوم . وعمالين يبيعوا فى المحلات التابعة للشركة والفروع فى بور سعيد والسويس وعشرة رمضان وكمان حوالى 30 جرار ومقطورة وثلاجات وتريلات وأتوبيسات وعربيات نقل ... طيب بدل مايبيعو يصلحوا العربيات لكن ما بذلوش اى جهد فى الاصلاح فقط بيع يا لطفى . وكمان وقفوا تثبيت العمالة العقود رغم ان لهم اكثر من اربع سنوات والحجة ان دى تعليمات الركايبى . تصوروا حتى لو جاب ناس مؤدبين لإدارة هذه الشركة لكن شوفوا الالفاظ بتاعتهم واسألوا اى حد فى شركة اللحوم يقولكم – المفوض ممكن يقول لاى واحد او قدام اى ست او حتى بنت لفظ زى ( ك.....م كذا او يقول لعامل اسمه بندارى : يا مستر بندارى انت عندك كام سنه ؟ 52 سنة يابيه يقوله المفوض العام : عز نيـ ....ك يا بندارى ) قام بنقل العاملين البسطاء بالقطاع التجارى الى ادارة الفروع بالمجزر بالبساتين فى حظائر العجول عشان يحملهم مصاريف مواصلات اضافية تقدر بحوالى 150 جنيه زيادة فى الشهر عشان يطفشهم ويطلعوا معاش مبكر ومنهم اللى بتجرى على ايتام او مطلقة او تعول امها وجدتها وهو عدو النساء ولا تأخده رحمة بأى انسان كل ده عشان يمشى الناس ويفضى السكة للمعلم الكبير احمد الركايبى يبيع ممتلكاتها لمعارفه او للمحظوظين فى هذا الزمان . وعمال يرقى اولاد قريته المنوات – جيزة ومن يوم ماجه الشركة لم يرقى حد إلا همه. هتقولوا النقابة بتاعة الشركة فين ؟ نقولكم هما فين بيدوروا على الرحلات والترفيهات لهم ولأسرهم – كل واحد فيهم بيلهس عشان يأخذ مدير ادارة او مراته او اخته او حد من قرايبه يترقى او يحصل على حاجه ميستحقهاش ولما عرفوا انه هيعمل كده فى العاملين حضرة رئيس نقابة الشركة راح اسكندرية يقضى يومين على ماتعدى الهوجة . ولما راح كام واحد من اعضاء نقابة شركة اللحوم الى نقابة عمال التجارة يشتكوا فقال لهم المسئولين بنقابة عمال التجارة اكتبوا شكواكم قام كل واحد فيهم خاف وكش شاطر بس يطلع مصايف ورحلات ومصاريف مختلفة على حساب العاملين ولكن لايدافعون عن مصالحهم ياحضرات عاوزين تتأكدوا من كل ذلك البيانات اهه : 1 - الشركة المصرية للحوم والدواجن 7أ شارع يوسف نجيب بالعتبة امام موقف محطة اتوبيس العتبة - الدور الاول والسابع والثامن والتاسع . 2 – مقر الشركة بالبساتين على طريق الاوتوستراد خلف كمين الشرطة مباشرة هتشوفوا العاملين قاعدين فى الجناين من غير شغل ولا مكاتب ولا كراسى لان كل حاجتهم فى مقر الشركة الرئيسى بالعتبة . النجدة اقفوا مع العاملين البسطاء اللى عايزين يحافظوا على اكل عيشهم بدل ما ينضموا لطابور العاطلين فى البلد وكمان الشركة اللى بتساهم فى لحمة رخيصة للمواطنين. والسلام عليكم ورحمة الله وبركاته العاملين بشركة اللحوم على رضا

رد 1

الإسم :
الدولة : مصر
الإيميل :
التليفون :
تاريخ إرسال الرد :
Tuesday 2nd of June 2009 01:25:36 AM
عنوان الموضوع : 32ايمن رمضان الهرم

الرد :

الحل ببساطة هو ان الشركة القابضة تعين عضو منتدب من ابناء الشركة علشان هايبة اكير واحد خايف عليها وعلىالي فيها حتى ولو كان على المعاش وانا قبل كدة خد فكرة عن الشركة دي وكان فيها رئيس قطاع فروع اسمة د/احمد عبد الغني كان راجل شريف وناجح لا مش بيخلوا هو يمسك الشركة وشكرا

هل لديك اقتراح بخصوص هذه الشكوى ؟
أرسل لنا وساهم في إنصاف صاحبها .

عدد زوار هذه الشكوي 3039