احب ان اوكد فى بدايه موضوعى المهم جدا انى مصرى الجنسيه ومن اب وام مصريين الجنسيه وبنحب مصر جدا بدون شك المهم بدايه الشكوى الخاصه بى انى كنت طالب بالمعهد اللاسلكى بالمطريه ولم يحالفنى الحظ لكى اكمل المعهد نظرا لانه معهدخاص ومصاريفه كبيره على اهلىوانناعائله ليست ميسوره الحال فقررت ان ابتدى طريقى فى العمل فاول خطوه لكى اعمل ان احصل على شهاده الجيش وبالفعل اسرعت الى المعهد وسخبت اوراقى ثم الى منطقه التجنيد النابع لها وهو الزاويه الحمراء وبعد ذلك حددوا لى ميعاد كشف طبى فى منطقه الهايكستب وذهبت منطقه الهايكستب لكى انهى بقيت الاوراق فتقابلت ببعض الشبان موقفهم مثل موقفى لم يكملوا تعليمهم لاسباب اقتصاديه وحاصلين مثلى على دبلومات او كما يطلق الجيش باسم شهاده متوسطه فى قاعه يطلق عليها قاعه الاستقبال فى الهايكستب فحضر صف ضابط اخذ مننا الاوراق الخاصه بناوهو ينظر لنا بنظره دهشه وتعجب كاننا فعلنا جريمه شنعا وابتدا يكلمنا بالفاظ جارحه وبالضرب تعجبنا ليه بيعمل فينا كده فقال له شاب صديق لنا نحن شباب اتيين لكى نؤدى الخدمه الوطنيه وليس مساجين فرد الصف ضابط عليه قائلا باستهزاء انتم اللعن من المساجين انتم ياشباب بالفاظه الجارحه والضرب انتم تجنيد فورى نظرنا الى بعضنا البعض نتسال ماهو التجنيد الفورى اننا لانفهم شىء فساله زميل لنا ايه هو التجنيد الفورى رد عليه بقرف وغضب التجنيد الفورى يا روح امك ده للمتخلفين على ميعاد التجنيد الاصلى للشاب او الفاشله مثلكم اللى مكملوش تعليمهم المهم خلصت الاجراءات بسرعه رهيبه واتجندت فى اسبوع وهذا امر ادهش عائلتى واصدقائى فى المنطقه التى اسكن بها فذهبت الى البيت لكى احضر اغراضى التى استخدمها وكل ما احتاجه وحان بدايت مشوارى فى التجنيد فذهبت الى الهايكستب فانتظار سماع السلاح انا وشباب مثلى تجنيد فورى فخرج لنا صف ضابط وقال لنا سلاحكم ياشباب هو اجهزه قياده فتم ارسالنا الى منطقه تجنيد الجيزه لكى نترحل منها الى مركز التدريب الخاص بسلاحنا وهو اجهزه قياده وبالفعل استلمت الكارنيه الخاص بى الذى يثبت انى جندى بالقوات المسلحه المصريه وانا فخور كل الفخر بانى جندى لبلدنا الحبيب مصر وتم بالفعل ترحيلى الى مركز تدريب 3 مشاه مشترك بقويسنا محافظه المنوفيه كان يوم الاربعاء الموافق 4_3_2008 علما بان قضينا اسبوعين فقط تدريب وجاءنا قرار بترحلنا الى قواتنا الاساسيه كان يوم الموافق 18_3_2008 وعلمنا اننا تم تغيير سلاحنا من اجهزه قياده الى سلاح التعيينات فجاه من غير سبب وجيه يتشرح لنا وبالفعل اتى مجموعه من صف الضباط لكى يقسموننا الى مجموعات كل وواحد من صف الضباط اخذ قائمه باسماءنا وينادى علينا وياخذ مجموعه مننا وسالنا الصف ضابط الخاص بنا اننا ذاهبين الى اين قال مجمعات انتاج خبز المهم جاء اسمى فى مجمع رقم 1 لانتاج الخبز فى مدينه نصر امام شركه انبى المهم استقبلنا رائد المعسكر بالكلام السىء وقال لنا المهم عندى رغيف العيش واللى مش هيسمع الكلام ذنبه على جنبه بعد جلسه طويله من الكلام سمح لنااننا ننام وكانت الساعه3صباحا وصحونا الساعه6صباحا بالضرب والله بالضرب والشتيمه من العساكر القديمه ذهبنا الى قائد الوحده لكى نشتكى قال بالحرف انتم لسه شوفتوا حاجه وقام بالسباب لنا وقال انتم مستجدين ولابد تصغوا للعساكر القدامى ونزلونا الى عنابر الانتاج وهى عباره عن افران عيش ولابد ان تتعلم الخبز فى ثلاثه ايام التعذيب هنا فى التعليم اتعرضنا الى ضرب وتعذيب لايذكر من زحف فى ميه بملح وتعليق وضرب بخراطيم وجر وضرب بالشلاليت وسلغ بمعنى مسك ايدينا ووضعها على سير المتحرك الساخن جدا لدرجه الحرق وارجولنا وهى عاريه مع اصطحاب الضحكات من صف الضباط والعساكر القدامى والصولات علىمنظر الجنود المستجدين وهمبيصرخوا وانا كنت من ضمن اللى بيصرخ من شده الم وقله النوم والاكل وسوء دورات المياه التى لاتصلح للبشر ولاحيوانات انا قررت الهرب من هذا الجحيم وليس انا فقط بل بعض من زملائى قرروا الهرب من المعسكر ومن التجنيد بل والبعض قرر الهرب خارج البلاد خوفا من القبض عليه وبالفعل هربت ولكن بسبب شهاده الجيش لاتعرف تشتغل فى اى وظيفه ولاتسافر خارج مصر فقررت العوده مره اخرى فعلا رجعت واتحبست واضربت واتبهدلت على الاخر خرجت من سجن الوحده وهى هى المعامله لاتتغير بل ساءت قررت الهرب تانى مره ورجعت وتالت مره ورجعت ورابع مره تعبت اناهربان اخر مره يوم 28_5_2008 الى يومنا هذا وخايف ارجع ليحولونى الى السجن الحربى اوموت من التعذيب لذا اناشد القائد الاعلى للقوات المسلحه ورئيس جمهوريه مصر العربيه واب لكل المصريين السيد الرئيس محمد حسنى مبارك ولكل ضمير مصرى ابن من ابناء الوطن يقول لى الذنب الذى اغتفرته لكى ارى كل هذا التعذيب فى جيش بلدنا الحبيب مصر ارجو الحل لاننى اود اخلص مددتى لكى اشق طريق نحو بناء مستقبلى فى ظل الظروف الصعبه التى تمر بها بلدنا ياريت الرد وشكرا تدريبناعلما بان قضينا اسبوعين فقط تدريب وجاءنا قرار بترحلنا الى قواتنا الاساسيه كان يوم الموافق 18_3_2008

دة انسان فاشل طبعا هو هرب من التجنيد ورجع وهرب فلم يستوعب الدرس الاول وهو غاوى اهانه بل غاوى يدوخ اهله بدليل فشله الدراسى المعتاد طيال حياته وبيدور على شماعة يعلق عليها اخطائه الله يكون فى عون اهله منه والنصيحة ان يرجع الى الخدمه ومن اخطئ عليه تحمل العقاب ؟ وفى حالة الاعتداء عليه بالشكل الى وصفه يتظلم وطبعا دة حتى لا يحصل مع مجرمى الحرب ومبالغ فيما يرويه

الجيش المصرى زبالة والمتطوعين بهلا يحترموا اى احد ولا يتعاملوا بادمية

على فكره التدريب فى مركز مبارك خارج عن نتاق القانوين الجيشيه وكمان الجندى ليس أخذ حقه بالكامل وكل هذه الهمومن الصف صابط فقط لا غير0000000 مع تحيات / ابو حمدى وابو صابر وابو الكفيل

على فكره الكلام ده كل هبل مفيش شتايم ولا ضرب في الجيش المصري انا جندى قوات مسلحه سلاح مهندسيين عسكريين وكان مركز التدريب بتاعي في بنى يوسف فى طريق الفيوم بس الجيش بيعمل راجل بجد وده شرف لأي شاب انه يخدم في القوات المسلحه عرين الابطال و مصنع الرجال على الرغم انه تكدير و هتضيع سنه من عمرى بس دى خدمه واجبه عشان ادى لبلدي حقها واحمى اهلى و ارضي زى ما انا صغير او لما اكبر هيكون في شباب تانيين يحمنونى و يحموا ولادي و اهلي

اولا انا دخلت الجيش المصري وكنت سلاح اشارة لازم في مركذ التدريب تنسي شي اسمو الحياة المدنية وتستوعب ان الحياة العسكرية ليست مغامرة او حكايات مقاهي دي حياة انت تلتزم بيها وبتعيشها اي خطاء في هذة الحياة تكلفك حياتك انت والمحيطين بيك وسواء انت لم تقدر علي الصبر ولا تلاتزم فيجب عليك انت ان ترد الجميل لي اهلك وليس ازعاجهم انك تهرب من الجيش دي يعتبر جريمة عسكرية وكمان انت مش حتعرف تشتغل شغلة محترمة بدون هذة الشهادة فيجب عليك انت تسلم نفسك وان تكون قدوة حسنة علي فكرة انا مواهل متوسط ودخلت في اكتر من سلاح اتحاقات عسكرية ومساندة وحدات واخدة شهادتي قدوة حسنة اتقي الله في نفسك