السلام عليكم و رحمه الله موش عارف اكلم مين بعد ما الحياه اسودت فعلا قدامي هكتب قصتي و عدلوا فيها او انشروها او حتى الغوها موش هتفرق كتير البدايه كانت عام 99- 2000 يعني من 8 سنوات .. لشاب جاب في الثانويه العامه 93 %و بسبب مجموعه دخل هندسه المنيا بدون الدخول في تفاصيل لا داعي لها و بدون ذكر مساوء الحياه في المنيا او المدينه الجامعيه او اي تفاصيل سقط الشاب في اول سنه في إعدادي و عاد السنه و هو بيقول انا قصرت و هركز و احلامه و طموحاته كانت الدافع بتاعه جت تاني سنه و بدون تفاصيل برضه سقط برضه الشاب بس المرادي في 3 مواد . و منهم ماده النجاح فيها من 45 و كان جايب 41 و معاه مادتين كمان و مع الاسف صدر القرار بانه تم رسوبه مرتين و يتم تحويله لكليه ادبي طبعا الشاب اخد الصدمه و شاف حلمه بيدمر قدامه و على 3 درجات ---بمعنى تاني على 3 درجات تم تغير مجرى حياته و بسبب قوانين موضوعه من قبل بهائم التعليم العالي مع الاسف الي فات مكانش غير مقدمه الحدوته الحدوته ابتدت او ما الشاب جه للقاهره و هو شبه تايه و موش عارف هينجح في الكليه الجديده و لا هيسقط و لا هيحبها و لا موش هيكمل فيها المهم انه دخل تجاره قاهره و مع الاسف مسلسل الفشل مسابوش في حاله اول سنه نجح الشاب فيها في كليته و مع الاسف طلع برضه بمادتين لسنه تانيه و في تاني سنه برضه نجح الشاب فيها و لكن بمادتين برضه ( و ده عشان بهايم التعليم العالي بيعملو الامتحانين بتاع السنه دي و الي ساقط فيه من السنه الي فاتت ورا بعض , بمعنى ان ماده واحده بس تتذاكر) و طبعا كل القرف ده بسبب بهايم التعليم العالي ( الدكاتره )المهم خلص الشاب سنه تانيه و دخل سنه تالته زفت تجاره قاهره طبعا بسبب الظروف و الشغل و اكتر من سبب سقط الشاب في اول سنه في تالته و برضه قال موش مهم و ربنا معايا و كل كلام التصبير المعتاد و الي يقول قدر و الي يفتي و الي يشتم في الجامعه المهم دخل الشاب سنه تالته لتاني مره و هو كله هم و امل برضه مهو هيعمل ايه يعني هيسقط و لا ميكملش بعد العمر ده المهم انه بكل اسف سقط لتاني مره في سنه تالته و برضه بسبب درجه واحد و كان ترتيب الدرجات 7.6.8 من 20 و بدون ذكر انه توصل لاكتر من طريقه للوصول لعواميد كليته و قيامه باي محاوله سواء من قبل دكتور او من قبل عميد عشان حرام يعيد السنه على درجه و بدون شوشره و لان الشاب مؤمن بقضاء و قدر الله قال بينه و بين نفسه اكيد انه قصر او ربنا بيعاقبه او اي تبرير عشان ميعملش في لحظه غضب اي حماقه يعني و يدخل الشاب سنه تالته لتالت مره و يعيدها على 3 مواد او بمعنى تاني بسبب درجه و ينجح الشاب في سنته التالته و يوصل لسنه البكاليريوس بس مع الاسف موصلش زي ما كان بيحلم او بيتمنى الشاب وصل لسنه رابعه تقريبا محطم بدون امل في حياته او جامعته او حتى في مجرى حياته رغم انه حاول مع نفسه و كافح عشان يكون شاب محترم حابب انه يخدم بلده او على الاقل ميونش عنصر ملوش داعي زي تقريبا 90% من شعب مصر و رغم دخوله لإمتحان التويفل مع احد الدكاتره من جامعه القاهره و قيامه بإجتياز الإمتحان بدرجه 500 في حين ان الدكتور كان بيمتحن لمرته الخامسه و برضه الدكتور مجابش الاسكور الطلوب و برضه الشاب ده كان معاه بطوله من بطولات السباحه على مستوى محافظه الجيزه لسنه 97 و كمان الشاب ده عمل قطر بخاري بشريط سكه حديد في مرحله الاعداديه يعني ذكي ده غير كم من المهارات زي التمثيل و الغناء في الجامعه و رياضه التنس طاوله و الدايفينج و الكمبيوتر و البرامج و و و و و المهم بقيه الحكايه انه وصل لسنه رابعه بعد ما عرف سكه المخدرات و الخمور و السهرات و الهلس و البنات و و و و و طبعا شكل الشاب اتغير و اماله في دكاترته اتدمر و حياته بجد باظت و لكن رغم كل ده كافح و دخل سنه رابعه و هو بيقول انه هيخلصها في سنه واحده و جت نتيجه اول تيرم بانه نجح في 3 مواد و سقط في مادتين رغم انه حصل على تقدير لاول مره في مادتين من مواد النجاح و موش عايز اقول ان الامل بدا يعرف الشاب لانه بكل اسف مبقاش عايش و الامل ده للناس الي عايشه بس التيرم التاني جه و امتحن الشاب و لاول مره في حياته من ساعه ما دخل جامعه يجيب درجه 19 من 20 يعني إمتياز في ماده من مواد التيرم التاني و الباقي تقدراتهم بين جدي جدا لجيد و لكن بهايم الجامعه مسابهوش في حاله رغم انه جايب 19 في ماده .. لبسوه 6 من 20 في ماده تانيه عشان يعيد رابعه تاني مع العلم انها لو كانت 7 كان ممكن يمتحن في الصيف المادتين من التيرم الاول و خلاص يخلص بئه إنما ليه انا بفكر في الانتحار او اني اعمل شغب في الجامعه او اني اعمل مصيبه لدكاتره الجامعه بجد انا تايه جدا و حاسس اني ضايع و موش هعيد السنه عشان الدكاتره كل واحد قاعد ورا مكتبه يطلع درجات و ملعون ابو الطلبه و ملعون نجاحهم من سقوطهم وظيفه بمرتب 2000 جنيه ضاعت بسبب عدم إنهائي لدراستي الإنسانه الوحيده الي كنت ناوي جد معاها ضاعت بسبب الدراسه املي في نزاهه الجامعه و مصر حلوه و كل كلام المجلات ده وقع في الارض كل رياضاتي و اهتماماتي و ميولي تراب صحتي بجد بقت في الحضيض لدرجه انتي مبقتش بعرف نفسي العلاقات الاسريه بقت زي ستين زفت المفروض اخلص 2004 و اتخرج و اشتغل زي اي شاب طموح انهارده 2008 و لسه عايزين اقعد ل 2009 و على فكره في ناس من وزاره او هيئه الطاقه الامريكيه كلموني عشان افكار انا بعتهالهم و اتصلوا بيا فعلا عشان يناقشوا مدى تطبيقها في الواقع كل الدلايل دي تقول اني موش غبي بل على العكس زكي جدا و الا مكانتش الناس دي ضيعت وقتها معايا و كمان درجات التيرم ترد عني بدل ما الدكتور إنسانيا بيعلم طالب الدكتور إنسانيا برضه بيدمر طالب انا بمــــــــــــــــــــــــــــــــــوت ارجوكم شوفولي حل عاجل