بعد ما جيت من شركه الامن ال كانت حطه اعلان وطلبه مشرفين وضباط امن وقالوا ليه احنا عايزين ناس من سن 35 الى 50 المهم رجعت قولت اقعد على القهوه اشرب حجر معسل واقلل من عمرى شويه علشان اموت بدرى بدرى لقيت القهوه مشغله فيلم الطريق الى ايلات شوفت لما فجروا المدمره كانوا بيقولوا الله اكبر الله اكبر حقهم من حقهم وطلعت الكلمه جميله قوى الله اكبر مفيش خوف والله ما فى خوف مش بياخد الروح غير ال خلقها المهم هما عملوا حاجه الناس كلها فاكرها لحد دلوقتى المهم روحت من كام يوم مجمع البترول اقدم ورقى كل مروح اى شركه يقولوا ليه احنا مش عايزين حد اكتفنا ااكتفه ههههههههههه من يذهب اليهم ويسعى يوصد الباب فى وشه وال يجى من طرفك وطرف ال زيك الابواب كلها تتفتح فى وشه هو ال يتوكل على الله ويسعى فى الوقت ده مينفعش يا جماعه

حرام عليكم اتقوا الله شويه انا قاعد فى بيت جدى انا وامى واخواتى عارفين ليه اقولكم انا السقف بتاع البيت ال احنا فيه حيقع وممعناش فلوس نصبه العز باشا ربنا يقتص منه هو وال اداله الفرصه ديه عايز كده اخواتى البنات كل ما عريس يتقدم مش عارفين نجهزوه ولا وحده منهم الراجل يمشى وبعدين واخرتها اسعى يا بنى روح شوف شغل اروح الحديد والصلب اقعد 3 سنين اشتغل زى الحمار ورادى ونهار وفى الاخر يوم ما تيجى فرصتى فى التعين المهندس طارق امين مدير ورشه الدرفله يقول ان احنا تكلفه زائده على القسم ولازم نمشى كل ده علشان العز ربنا ينتقم منه جايب ناس مكنا من المنوفيه وعينهم مكنا فى الشركه رجعت ريما لعدتها القديمه

 روحت الخزف والصينى اقدم فيها احمد يسرى باشا قالى بالنص كده يابنى انت معاك بكالوريوس تجاره متنفعش عندنا قولتلوا الشهاده اهى وقطعتها انا حشتغل بالثانويه قالى لو سمحت اتفضل بره روحت اموك اشتغلت فى الشموع بالليل العمال نايمين وانا شغال واخرتها فين القبض اصل المقاول ما صرفش الشيك طيب والناس ال عايز منى اقساط اقولهم ايه انا انا نفسى امشى من الدنيا ديه بالله عليكم امسكونى بسرعه قبل معمل حاجه مش كويسه احبسونى يا عالم احبسونى صدقونى ممكن اعمل حاجات غلط الناس ال حتتشرد ديه زنبها ايه خدونى اضربونى اعتقلونى بس متسبونيش كده يا عالم انا بحملكم المسؤليه كلها وحبعت بكل الكلام ده لكل الصحفين

ريحونى يا جماعه انتو عايزين الدنيا ديه كلها خدوها بس خدونى منها الاول يا سياده المحافظ يا سياده الوزير يا مصر يا بلد ريح نفسك من وجع الدماغ معايا صدقنى حسبب مشاكل جامده وسيادتك عارف المنطقه كلها شركات بترول يا سياده السكرتير يا عم فهمه ان الانسان ده خطر على البلد ديه عايز يشتغل واحنا الشغل ده شيلينه للناس ال معاها فلوس ومعاهم وسايط ده عبيط ده احبسه ولا خليه يغور فى داهيه بدل ميزهقنا كل شويه الله اكبر الله اكبر نجحنا نجحنا انا لله وان اليه راجعون