بسم الله الرحمن الرحيم ازيك يا عمو محمود انا طالبه فى سنه تانيه حقوق جامعه عين شمس والنتيجه دلوقتى ظهرت ومحجوبه طبعا عننا عشان مدفعناش المصاريف وياريت على كده وبس ده كمان زودوا الرسوم حوالى 60 جنيه تانى عن اول السنه يعنى بدل ماكانت 152 بقت 210 ويمكن اكتر كمان مع العلم انى انتظام وكنت جايبه فى السنه الأولى تقدير جيد وعلى كده طبعا مش هعرف النتيجه غير لما ادفع المصاريف وانا مش عارفه اقول لبابا ايه اصلا هو مش ناقص مصاريف اقوله كمان عايزه 200 جنيه بالذمه مش حرام اللى بيتعمل فينا ده احنا بنتعلم ولا بنتعذب