بسم الله الرحمن الرحيم وبه نستعين ولا حول ولا قوة الا بالله والله خير الحافظين اخواني الاعزاء الصدفه جاءت بي الى موقعكم الموقر وكلمة هموم تجذب من تقرح بالهموم والموضوع طويل وعريض ويبداء من يوم ماجيش علينه بوش دول العالم وصارت علينه جنجلوتيه والعالم كله يتفرج ويصيح اجتنه الديمقراطيه وذاك اللي يكول تره بعدهه مسلفنه ماطالعه ريحتهه وذاك الي يكول يمعودين بس خلونه نشتمهه موطلعت رواحنا من الديكتاتوريهوالحريه الثانيه يكلك تظل تحجي براحتك للصبح محد يكلك ليش ومن كثر الحجي تتعب وتنام واشتاقينا الى ايام المطربه صباح عندما كانت تغني عالباساطه البساطه ياعيني عالبساطه تغديني جبن وزيتون وتعشيني بطاطا لعد وين صار اللحم المن ولو باقيه المره على شبابها جان غنت النه عالديمقراطيه والحريه احسن من ذيج الاغانى ....

والان لتبداء القصه قصة بلد اسمه العراق وقصة شعب اسمه الشعب العراقي وكاتب مغمور اسمه صباح التميميزززلما كنا نتذمر كبل هسه لعد اشلون المطعم اللي جنت املكه بشارع الربيع في حي الجامعه في بغداد راح من عندي والسياره اللي جنت مستفاد منها الكيا راحت والبيت اللي بنيته يم جامع ام المعارك هسه يسموه جامع ام القرى تعال وشوف حاله وراح احجيلك القصه .العام الماضي اتمرضت والاطباء كل واحد يكول شكل فقررت الذهاب الى سوريا .وهناك بسوريا اتحسنت صحتي وبقيت حوالي خمسة اشهر ولما رجعت كلت خلي اروح اشوف بيتي اللي بنيته بدموع العين والعندي والماعندي واذا بي اجد نفسي امام بيت قد دوهم من قبل القوات ....

 ومعهم قوات اخرى من بلدي العزبز ولقيت باب الدار مضروبه بالقنابل والبفقيه سلب ونهب من قبل ابن حارس المنطقه ,حتى الكيبلات الافندي مفلسهه ومطلع النحاس ولاتكلي ولااكلك تكيته خرابه ولهنا ينتهي الجزء الاول من القصه والجزء الثاني شوف اشوكت اذا قبلو الاخوان بالموقع حتى نكمل لان القصه طويله عريضه والسلام عليكم