انتظرنا 6 سنوات نعمل بعقد مكافاه شامله فى بتروتريد وعند التثبيت فوجئنا بكادر جديد لا يختلف عن العقد واصبح فى الشركه كادرين كادر للقدامى وكادر للجددعلما بانه اجبرونا على تقديم استقاله عن مده 6 سنوات السابقه حتى لا نطالب بضمهابعض الزملاء يستعدون الان لرفع دعوى قضائيه

عمل مظاهرة

أنا معك فى رفع قضية للقضاء على هذه التفرقة راسلنى على الإيميل . أنا زميل لك فى الشركة

أولا الشركة ليس فيها كادرين هو كادر واحد ولكن زملاءنا القدامى أجورهم مختلفة بحكم أقدمياتهم واحنا بنفسنا رحنا الإدارة المركزية مع مجموعة من زملاءنا (وهم موجودين وممكن يشهدوا في أي وقت) واجتمع معانا الأستاذ وفيق رئيس الشركة مع قيادات من الماليةوالإدارية وفهمنا كل التفاصيل بالمستندات ـ وكفاية شكاوى بقى وشوفوا أكل عيشكم أحسن وراعوا ربنا وضميركم والشركة اللي فتحين بيوتكم منها وشوفوا الملايين اللي نفسهم بس يشتغلوا في بتروتريد واحمدوا ربنا

يا اخى اتقى الله الراجل بيقولك انه مظلوم تقوله لا احمد ربنا على فكره بقى انا فى نفس الشركه وللعلم انا برضه من المعينين المنصوب عليهم دفعه 2008 الشركه هى فعلا ليها لائحه واحده بس الناس القديمه اتعملهم نقل على شركه ايجاس بلائحتهاومرتباتهاالعاليه وبعد كد اتعملهم ندب لبتروتريد علشان اللى يشتكى يقولوا ده منتدب وليس على قوه الشركه شوفت النصب وعلى فكره دى كانت فكره الاسناذ / وهبه عيسى وده على فكره غير قانونى لانى الائحه اللى مضوا عليها القدام تخص بتروتريد وليس ايجاس وحسبى الله ونعم الوكيل وفى انتظار رفع القضيه الله معنا وهو حسبى

بصو يا شباب الواء يحيى الغزالى دة مش ها يخش واحد تانى بترو تريد واحد زيو ابدا عشان الراجل دة مافيش زيو ابدا الله يباركلو فى صحتو وفى اولادو لانو بصراحة راجل كريم ويعرف الحق فين ومين الى يستاهل ويارب يرحمكو من بعد اللواء يحيى واتمنى من العاملين فى شركة جنوب الوادى ان يشكرو فى الراجل دة عشان ما فيش زيو

من العاملين بشركة بتروتريد : كلنا عايشين بنعد الساعات والأيام علشان نكمل ست سنوات ونتثبت .. وراضيين بمرتباتنا بعد التثبيت والحمد لله.. ولكن فوجئنا بعد ترقية اللواء عادل أنور بعد ما كان مساعد رئيس شركتناأصبح رئيس شركة أبسكو وبدأ يآخد الناس بتوعه و بتوع اللواء هاني زكي مساعد رئيس بوتجاسكو و صديقه اللواء طارق أبو العز مساعد رئيس بتروتريد و كل من له واسطة أو معرفة توصله لرئيس شركةأبسكولقيناه راح واتعين فيها واتحسب له سنين خبرة سواء المدة اللي قضاها في بتروتريد أو في أي مكان في العالم .. و منهم اللي بقى رئيس قسم( زي ممدوح السواق بتاع اللواء عادل أنور) أو أخصائي ممتاز..إلخ و اتحسب لهم كلهم مرتبات أقل واحد فيهم ألفين وخمسمائة جنيه في الشهر (2500جنيه) وكمان سمعنا إنهم بعد كام شهر هـ يرجعوا تاني إعارة لشركة بتروتريد؟؟ يعني كل اللي كان معانا و كنا سابقينهم و هنكمل ست سنين قبلهم بكذا سنة هـ يرجعوا متثبتين قبلنا وطبعا هـ تتقلب الأية ويبقوا هم أقدم مننا ويقبضوا من أبسكو أضعاف مرتباتنا وكمان زيادة عليها المكافآت اللي بتتصرف لنا في شركة بتروتريد و طبعا هـ يقبضوها أضعافنا لإن المكافآت دي بتبقى شهر من الأجر الأساسي وهم أجورهم الأساسية من أبسكو أضعافنا.. ده يرضي مين ..؟؟ يعني إحنا قاعدين وراضيين برزقنا وهم راحوا شركة ثانية و ربنا وسع عليهم فيها (ولو إنها بالواسطة والمجاملة) لكن دي أرزاق وربنا يسهل لهم و يسهلنا .. إيه بقى لازمة رجوعهم تاني لبتروتريد علشان يبقوا أقدم مننا بعد ما كنا إحنا أقدم في التعيين ومفروض نتثبت قبلهم..؟؟ لصالح مين الإحباط اللي بيحصل للموظفين اللي ٌقاعدين بيشتغلوا في حالهم ومنتظرين الست سنين بفارغ الصبر ؟؟ و الله ده ظلم وما يرضيش ربنا .. راعوا مشاعرنا , مش كل مساعد رئيس شركة له شوية ناس عشان خاطرهم يثبتهم في شركة تانية ويرجعهم أقدم مننا ويدوس على مشاعر آلاف العاملين في بتروتريد . إتقوا الله فينا أيها اللواءات عادل أنور وهاني زكي وطارق أبو العز . وأملنا فيك ياأستاذ وفيق زغلول إنك كرئيس شركة تمنع عن أولادك في بتروتريد هذا الإحباط القادم إليهم وتعليمات السيد المهندس وزير البترول اللي ما بيحبش الظلم أبدا .

رساله لان الشكوى لغير الله مزله ايه رايكم نبدا رسالتنا دى بسؤال لو هناك اب او بمعنى اعم رب اسره مسؤل عن اسره ويعول من الاولاد وليكن خمسةعشر ولدوبنت وعامل رب هذه الاسره الابن الاكبر معامله مختلفه تماما عن الاخرين فكان مثلا يفضله عنهم فى كل شئ ويعطيه مصروف اكبر لدرجه جعلتهم يشعرون بالظلم سؤالى الى رب الاسره ماذا تتوقع رد فعل الابناء الاخرين؟ وهل تتصور ان يستقر بيتك بدون اى مشاكل؟ وهل تتوقع منهم ان ينجزو ويركزو فى عملهم ؟ اخيرا هل تنام وانت مرتاح الضمير وانت تفرق ولا تعدل بينهم فى المعامله؟ الحدق يفهم ! حسبى الله ونعم الوكيل وللحديث بقيه

بلد وناس ظلمه يعنى التفرقه بقت فى كل حاجه منكم لله عيشتونا على امال وفى الاخر ولا حاجه مش كفايه بنشتري فواتير وبنرفعلكم النسبه ميه فى الميه انتو ناس مش عايزين غير حاجه واحده ان ربنا مش يموتكم ان ربنا ينهى البشريه ويقوم الحساب لانكم انتو مش بتتحاسبو انتو بس تحاسبو الناس وتسرقوهم فلوس تتلم فى خمس ايام وتوضع فى البنوك والفوايد تروح لجيوبكم والاسم مستندات بالمبالغ اللى اتلمت وبس وكل ده على حسابنا احنا المحصلين والعاملينبجد دوله كلها ظلم وبجد منكم لله شركه كلها فساد وسرقه

حسبنا الله ونعم الوكيل صوتنا معكم فرع السويس

يا رجاله بتروتريد انا اخوكم من فرع المنصورةوايدينا فى ايديكم وعاوزين نقف مع بعض كل الفروع وللعلم الدعوة القضائيه هتصرف وعاوزة محامى صح عندى اللى يوصلنا لمرتضي منصور لان اى واحد غير معروف طبعا شركتنا لواءات (يهود يعنى) ولو حتى عرضنا عليه نص الاثر الرجعى فروقات ال6 سنين مفيش مشاكل بس يضم ال6 سنين بحكم قضائى وخلو بالكو احنا ماضيين عقد اختبار مدته سنة مش 6 شهور بس كل المطلوب نتعرف على بعض ونقف مع بعض كلنا يد واحده حتى لو وصلت لاعتصام امام الوزارة وتعطيل الطريق امامهم والاتصال بالجرائد المعارضه والحزبيه ارجو التواصل عالايميل انا جاد امضاء مظلوم من مظلومى بتروتريد

وكمان اذاىلوا جيش يمسك شركه فيها حسابات وشغل محاسبه يفهم ايه ده غير سريا صفا وانتبه ويجى يقولك انتو العساكر بتوع الشركه عساكر ايه ياعم المدفعجى هههههههههه احنا هندخل الجيش كام مره كمان فى الشغل ونبي الواحد خايف تيجى تقلنا البسو ميري وتعملنا فرقه ذى فرقه الشويش عطيه ياعم الحج فوق لروحك انت فى شركه ليها اسس وليها كيانها ويقولولك انتو الفرخه الكشك عند الوزير اللى تبيض بيضه دهب وتيجى تبص تلاقيهم بيتفننو اذاى يخصمولك الراتب وكمان االلى مستغربين له ايام المحاسب ربنا يصلح حالو صلاح الجهمى كان على طول بيصرف مكافأت وكنا لا بقت نسبتنا ميه فى الميه ولا الكلام ده وبعدين كمان كانو بيشترو مقرات جديده وكان بيصرف ودلوقتى بقت النسبه ميه الميه بفضل شراء الفواتير من خلال شدهم علينا ووجع دماغنا بى لاوم تخلص قبل يوم 15 من كل شهر والا تتذنب فى الشركه ومافيش اى مكافات بتيجى غير تقرير كل تلت شهور ويلعبلك فيه كمان الواحد مش عارف انتو هاتعيشو قد عمركم كام مره علشان تقدرو تصرفو كل المبالغ دى يا ناس اتقى ربنا انتو مش مخلدين وراعو اننا بنتعامل معامله غير اداميه كمان وبلاش الكادريين الوظيفى دول حرام احنا مش اقلل من اللى اتعينو قبلنا حررراااااااااااااااااااااااام

السيد مساعد رئيس الشركة دايما بيراعي الظروف الإنسانية لجميع العاملين ودايما يبحث عن راحة واستقرار العاملين بالشركة سواء ماديا أو اجتماعيا أو رياضيا ولكن للأسف كل ما يجيب لنا أي شيء ايجابي أو أي خير ينتظره الجميع يلاقى واحد فاسد من أعداء النجاح بيقول (وإيه يعنى اللي هوه جايبه ده هو جايبه من جيبه ) يا أخى خلى عندك دم وقول ربنا يسدد خطاه إلى الخير دائما واحمد ربنا على هذا الخير وعلى وجوده معانا وبعدين المكافات التي تصرف الآن تزيد لا تقل عن الفترة التي كان يقود فيها الشركة السيد المحاسب صلاح الجهمى علما بعدم اجبار أى من المحصلين على انهاء الرصيد يوم 15 فى الشهر بل تظل الفواتير مع المحصلين حتى يوم 27 و 28 من كل شهر وذلك فى حالة عدم وجود مواعيد تحصيل مما تبقى من فواتير العملاء ويتم تسليمها لقسم التفتيش لتحصيلها من الموقع واحضار عنوان بديل للعميل

الاخ المحترم الى بيقول ان السيد المحترم مساعد رئيس مجلس الاداره ديما بيراعى الظروف الانسانيه وغيره يا اخى المحترم الا تعلم ان السيد الاستاذ المحترم مساعد رئيس مجلس الاداره هو وبالاحرى السيد الاستاذ المحترم رئيس مجلس الادراه هم اولى امر فى مكانهم يا اخى ان كانو يراعو ظروف العاملين فهذا واجب عليهم ولعلمك وعلمهم ويا رب يكونو بيقرأو هذه الشكاوى انهم سوف يحاسبون عنا وعن الظلم الذى نتعرض له فلتسمحو لى يا قيادات شركتنا المحترمه ان اوجه لكم نداء لعله يكون السبيل لصحوة ضميركم يا ايها القاده المحترمين هل تنامون ليلكم وضمائركم مرتاحه هل انتم ترضون الظلم البين بين المعينين بعقود والمثبتين الجدد من جهه والمثبتين القدامى من جهة اخرى فلو كانت ضمائركم مرتاحه فانتظروا حساب الله العسير الا تخافون دعوة المظلوم اتقو الله فينا فلو كان نظام التثبيت الجديد فرض عليكم وانتم تعلمون تمام العلم انه يختلف تماما عن التثبيت القديم فلماذا رضيتم بهذا الظلم ولو كنتم انتم المقترحون لهذا التثبيت فعذابكم اكبر اتقو الله فينا واعلموا ان دعوة المظلوم كالسهم المسموم يصيب ولا يخيب الاخ المحترم يتكلم عن الراحه واالاستقرار اين الراحه والاستقرار ونحن نعمل بمكان ملئ بالظلم ولتسمح لى يا اخى المحترم ان اهمس فى اذنك انت الاخر ان النفاق له ايضا عقابه عند الله فاتقى الله فلتقل خيرا او تصمت واعلم ان شكوتنا يا اخى ويا قيادتنا المحترمه لله وليست للعبد فبصوت اكثر من اربعة عشر الفا من العاملين بعقود والمثبتين الجدد نقول حسبى الله ونعم الوكيل

اريد ان اعرف ما هي مرتبات العقود في شركة بتروتريد ارجوا احد من الموظفين في الشركة ان يرد على سؤالي

ياأخى المحترم أنت تناقض نفسك فمن ناحية تقول أن تفكير القيادات فينا واجب عليهم لأنهم أولى الأمر ومن ناحية أخرى تنتقدهم والقرءان الكريم يقول لنا جميعا (وأطيعوا الله والرسول وأولى الأمر منكم) وبعدين احنا كنا عرفين فى فترة من الفترات ومقتنعين أن مفيش تثبيت فى بتروتريد وبعد ما الوزير قال فيه تثبيت بعد ست سنين المفروض انك تحمد ربنا لأن المثبت المؤهل العالى المجتهد فى شغله وبيأخذ بدل المجهود كامل وبدل الموقع بيحصل شهريا على مبلغ ألف وخمسون جنيها ده غير المكافات الربع سنوية والارباح وعيد البترول وخلى بالك أن زميلك الى ماعندوش وظيفة يتمنى يأخد ربع مرتبك ويشتغل وبعدين ياعم العاقل أنا عاوز أقولك حاجة فى ودنك (انت بتشتغل ساعتين فى اليوم أول ثلاث أيام فى الشهر وباقى الشهر بتيجى توقع حضور وتروح يعنى مابتشتغلشى ياغبى ولو عندك شغلانة تانية بتروح تخلصها سواء كنت سواء تاكس أو صاحب محل أو فرش أو غيرة أو بتعد مع مراتك وولادك مش زى زميلك اللى فى الشركات الانتاجية اللى كان يخرج من بيته الساعة 6 صباحا ويرجع 7 مساءا وأحيانا يستمر أسبوع مايروحش بيته ويبيقى مشحم ومزيت وفى الاخر تقولى انت منافق(والله العظيم انت فى نعمه مش هاتعرف قيمتها غير لما تزول عنك ان شاء الله) وارضى بما قسمه الله لك تكن أسعد الناس ولاتكن حاقدا فتموت هما وغما ولا ترمى الناس بالباطل. والله الذى لا اله غيره انى لا أخشى فى الله لومة لائم ولا أقول الا صدقا

شى غريب يحدث بمنطقه فيصل بعض الموظفين يقوموا بعمل اجازات ويتم حذفها من المركزيه بواسطه بعض الاقرباء وبالتالى يظل رصيد الموظف كما هو