الحل بسيط جدا اولا احمدى ربنا ان انتى بتشتغلى فى شركة بترول فى حين ان ملايين الشباب مش لاقيين شغل ومرميين على الرصيف ثانيا احمدى ربنا ان انتى حصلتى على ترقيه يعنى محصلتيش على جزاء يعنى النقل بتاعك يامدام بسبب ترقيه مش جزاء

لا لا لا

اناحاسس ان المشكلة هى في زوجك حاسس انة انسان مش متفاهم ومش بيحبك ومش خايف عليكي,بصراحة لو انا منك مسبش وظيفتي وكمان مدهوش البنت ولو وصلت للطلاق لسبب انك حتخسري وظيفتك وكمان حتعيشي مع انسان مش بيحبك ومش حيسعدك وعلي فكرة انتي ممكن تضحي وتخسري وظيفتك وبعد كدة هو يسيبك لاي سبب تاني لانة بجد مش بيحبك ولا هو اصلا انسان يتحب اوعي تضحي علشانةدة انسان مش متفاهم

اية يا جماعة الحل بسيط جدا انتو عمالين تقولوا ما تضحيش بشغلها لا طبعا دائما الزوجة هى اللى بتروح فى المكان اللى موجود فية جوزها انتو عمالين تتكلموا على اساس انه قاعد فى البيت وهى اللى بتصرف عليه فالحل ان انتى تحاولى تقدمى طلب نقل تانى حتى لو كنتى هتخسرى الترقية ولو مارديوش خلاص يبقا مفيش حل غير ان انتى تقدمى استقالتك وتروحى لجوزك وانتى ملزومة منه وده كلة علشان خاطر اولادك ومش معنى ان هو مارديش يروح وراكى يبقى مبيحبكيش اللى عمله ده هو الصح وبعدين ايه الهبل اللى انتى بتقوليه دة عاوزة تنتحرى وتموتى كافرة؟