بسم اللة الرحمن الراحيم انا مواطن مصر اقيم فى قرية سنور مركز بنى سويف واعمل على باب اللة كهربائى متجول اصلح تلفزيون او اظبط دش وليس لى اي محل او ورشة وبقالى عايش فى البلد سنور حوالى 10 سنوات وفجائة اكتشفت انة يوجد قضايا بمخالفات امن صناعى ومخالفات مكتب العمل على ان عندى ورشة لحام اطارات سيارات وانا لم اعمل فى هذا المجال مطلقا وماليش اى خبرة فية ومافيش حد من عائلتى يعمل بهذا المجال ومع البحث وجدت انة الذى عمل المحاضر دى هيا موظفة اسمها :رحاب عويس ولما رحتلها وواجهتها وقلت لها انى ماليش دعوة بهذة المحاضر وعمرى ما اشتغلت بهذا المجال ردت وقالت ان كل حاجة لها ثمن وطلبت منى رشوة مبدائيا 2000 الفى جنيها كما انها طلبت ان ادفع لها شهريا 200 جنية فلماذا انا لا امتلك اى محل او ورشة ولا اعمل بهذا المجال لماذا كل هذا لماذا ادفع رشوة وقد اشتكيتها فى النيابة العامة من حوالى شهرين ولحد وقتنا هذا مافيش حد اغثنى ارجوكم انا بيتى اتخرب من كتر المصاريف على المحامى فهل ترضى السيدة المحترمة وزيرة القوى العاملة بذالك بصراحة انتم كدا بتجبرونا ان احنا يا شباب نسيب بلدنا ارجوا المساعدة من السادة المسئولين لان المشكلة دى مش مشكلتى لوحدى لا فى حوالى 3 تانى من الى انا اعرفهم واقعين فى نفس المشكلة والسلام عليكم ورحمة اللة وبركاتوا