حضر يوم الأربعاء 16 / 5 في الساعة 20, 1 دقيقة ظهرا ً , عنصرا ً ادعى أنه من قسم الدراسات و أنني بغنى عن التعريف ويعلم أنني رشحت نفسي لمجلس الشعب وأن أهلي يسكنون في المالكي وأنه يعرف أخوتي معرفة وثيقة وسألني إذا كنا قد اصطلحنا فقلت له : لا , فقال : لهلق ....!!!!! ثم قال : اعرف أن لديك إجازة بالفلسفة فقديش كم المعلومات كبيرة يلي بيعرفها ,

فقال لي : أنا عم بلغك هلق أن تحضري بكرة أي الخميس في العاشرة صباحا ً ومعك حتى العاشرة والربع للحضور لقسم التحقيق عند غياث رزق في فرع أمن الدولة الفرع الداخلي في القصور جانب مشفى الهلال الأحمر , فسألته عن ورقة التبليغ مذكرة الدعوة , فأجابني بطلنا نعطي ورقة لأن حقوق الإنسان بيستخدموها ضدهم وبكونهم أذكى من تبع حقوق الإنسان فلذلك بطلوا يعطوهم ورقة , فقلت له : على كل أنا مالي لا من حقوق الإنسان و لا غيره , وما بدك تعطيني ورقة اذا عندكم شي ارفعوه الى القضاء و منتقابل بالقصر , فقال لي : ليش , هي شوية أسئلة تحقيقية , فقلت له : عن شو . فقال لي : ما بعرف أبدا , فقلت له : آه مشان تخطفوني , فقال لي : ليش الأمن بيخطفوا , فقلت له : لا منوب هادا يلي عم يحصل , فقال لي : لازم تجي , فقلت له : لا حقيقي الحق معك فأنا زرت كل أماكن الأمن من جنائي وسياسي والمحكمة العسكرية وحتى مخافر الشرطة بس باقي لي شوفة أمن الدولة و طالما بتعرفوا كل شي عني فشو بدكم تعرفوا كمان , فقال لي : لازم تحضري وذهب ( طبعا كان يتحدث بلطف .... ) وطبعا ً لم أذهب يلي بيجرب مجرب بكون عقلو مخرب . وعاد وكشر عن أنيابه وأراني الوجه الحقيقي لهم وحضر يوم السبت الواقع في 19 / 5 في العاشرة والنصف صباحا وبعد أن تحدث مع زوجي وقال له هيك بدنا نحكي ع ا لباب ايه فوتنا ورفض زوجي .........................................

وأيقظتني ابنتي وحالما وقعت عينيه علي قال : شو ما اجيتي شو ما حتجي لعند اللواء فؤاد ناصيف , فقلت له : لا بلا ورقة تبليغ رسمية ما ح اجي , فعصب علي قائلا : هي المرة التانية يلي عم أجي فيها لعندك , وقلت لك بطلنا نعطي ورق تبلبغ , فقلت له : والله دستور البلد , بيقول : انك مو على كيفك تبطل , اذا بدكم غيروا الدستور , فقال لي : نغير الدستور طيب , أنا بذات نفسي أنا ها , قدي ودلقي عنصر الدراسات جاية لعندك ابلغك , و قد ارسلوني و قالوا لي : روح لعندها بلغها و أكد عليها تبليغ رسمي ما في عنا و نحنا شلنا المسؤولية عن نفسنا , نحن جهاز أمني فرع أمن الدولة الفرع الداخلي فرعنا في القصور , فقلت له : بما انك مصر ان يكون التبليغ الشفهي فيمكنهم ان يسألوني ما يشاءون على الهاتف , فقال لي : نعم !! شو هالحكي المعلم بدو يحكي معك أنت , فقلت له : هاه مابيصير !!!! ( ويالطيف شو كتروا هل المعلمين بها البلد البائس !!) ايه طالما ما ح يحكي على التلفون معناتها انت اكتبلي ورقة تبليغ بخط ايدك و وقع عليها مشان روح ,فقال لي : ليش أنا مين بمثل حتى اكتب لك تبليغ وشو دخلني ما ح أكتب شي , فقلت له : حيرتني هلق قلت لي انك قدك ودلك عم يبلغ , فقال لي مهددا : ً شوفي هي آخر مرة ونحنا ما عاد علينا مسؤولية وما بقى تلومينا , فقلت له : ليش رح تخطفوني يا الله شرفوا , بس إنا مو رايحة بلا تيليغ رسمي , فقال لي : يعني انتي ما رح تجي بدون تبليغ رسمي : فقلت له : لا فقال لي: كلها كم سؤال على فنجان قهوة ,فقلت له : ما بشرب قهوة بالفروع الأمنية , فقال : شو خايفة منا , فقلت له : لا مو خايفة , فقام بتهديدي مرة أخرى قائلا :هي تاني مرة بلغك وما عاد علينا أي مسؤولية وما تلومي غير حالك انتي رفضت التبليغ إلا بتبليغ نظامي وذهب .

دستور الجمهورية العربية السورية

المادة 25 ـ

1 ـ الحرية حق مقدس و تكفل الدولة للمواطنين حريتهم الشخصية و تحافظ

على كرامتهم و أمنهم .

2ـ سيادة القانون مبدأ أساسي في المجتمع و الدولة .

3 ـ المواطنون متساوون أمام القانون في الحقوق و الواجبات .

ركانة حمور

دمشق 19 /5 /2007

http://roukana.maktoobblog.com/?post=331447