بسم الله الرحمن الرحيم الى صاحب السمو الشيخ خليفة بن زايدال نهيان حفظه الله ورعاه انظلمت ياشيخ والله انظلمت ظلموني وماعطوني حقي انا اشتكيت على ريلي وعياله وبناته لانهم هانوني وقالولي كلام ماينقال واولادة واحد سبني وسب امي ولثاني هددني وزوجي بعد هددني بالتسفير وقالي بيصير لج شي ماتتوقعينه ومب انا اللي بسوي غيري وغيرالاهانات ورحت للشرطة وخبرتهم وعطيتهم تليفوني وشافوا السب وسمعوا التسجيلات اللي فيها تهديد وغيره وتحولت القضية للنيابة والله ياصاحب السمو كل ما اسال عن الموضوع يماطلوني واخر شي قالو حفظنا القضية رحت لرئيس النيابة وكلمته كل شي قالي كيف يحفظونها هذا يعتبر قذف سوي تظلم وفعلا سويت تظلم وبعدها محد عبرني .. رحت وراجعت قالي سوي شكوى ثانية وقالي وربي شاهد على كلامي الرسايل بعدها عندج والتسجيل قلت له ايوا عندي الرسايل والتسجيلات كان ردة فعلة غريبة سكت شوي وقال زين تعالي المركز وسوي شكوى وسويت شكوى ومر الوقت بدون ماحد يعبرني

والشكوى الثانية ياشيخ خليفة اطالب زوجي خمس شيكات موقعة بموافقته شخصيا دفع لي شيك واحد وباقي عليه اربع شيكات والحين اطالبه يدفعلي باقي الشيكات قال مالي حق عنده قلت له بروح بطلب حقي في الشرطة ضحك وقالي بتتعبين ولا بتحصلين شي انا اعرف واعرف واعرف وعندي واسطه ووو ووصل الموضوع للشرطة ولعوزوني بالروحة والردة واخر شي حكم القاضي عليه بالسجن سنتين ولما راحت الشرطة عشان يمسكونه اعترض رئيس النيابة وقال لا تمسكونه بيكون يوم الاحد اهنيه ومرت الايام ومحد سوى شي ورحت لرئيس النابة وسالته عن حقي قال لا تخافين في يوم الفلان بتستلمين حقج لو لج حق ..

ولما وصل الموعد اللي بستلم فيه حقي تفاجئة بتليفوني يرن وقالوا لي ان زوجي رافع علي قضية اني انا سارقة الشيكات .. قلت لرئيس النيابة انا مستعدة احط ايدي ع المصحف وهو يحط ايده ع المصحف اذا هو صادق يحلف قال لي ماعندنا اهنيه حلف ومره ثانية اتصلو فيني وقالولي تعالي مكتب رئيس النيابة ورحت سوو مواجهة بيني وبين ريلي وبعدها قال رئيس النيابة للكاتب اطلع عشان يحلون الموضوع ودي .. وطلع الكاتب لكن رئيس النيابة قالي تنازلي من القضية قلت له مابتنازل عن حقي قالي لو ماتنازلتي يمكن يدفعونه غرامه بس ويطلع احسن لج تتنازلين اهنيه وبنسوي شيك اهنيه اضمن فيه حقج وريلج مابيقصر وياج بيدفعلج قلت له لا ياحضرة رئيس النيابة انا متمسكة بحقي عصب زوجي وهددني قدام رئيس النيابة وقالي يلا يلا يبي جوازج بطلقج وبسفرج قلت لرئيس النيابة تسمع شو يقول قال رئيس النيابة لا ماسمعت وطلعت وانا مكسورة ياصاحب السمو زوجي مقدم طلب على انه متزوج حرمه ثانية وهي انا وودى ورقة زواجنا وطلع البيت من شهر سبعة او ثمانية سنة 2007 ولين اليوم 11 /10/2008 ماسكني البيت وبنتي اللي ماكملت الست شهور ماسوالها جواز كل مااروح العيادة يسالوني عن بطاقه للبنت اقولهم بطاقة ماعندي هذي شهادة ميلادها رحت المحكمة وطلبت مصاريفي وبيت شرعي وجواز ل بنتي روحة وردة ومافي فايدة اول مرة لم يتم الاستعلام عنه ثاني مرة راح واجل القضية وعطونا يوم محدد عشان نلتقي ويمكن يفصلون في الموضوع وحكملي القاضي لين مايفصلون في الموضوع نفقة مؤقتة لازم استلمها في 24 /8 ويوم رحت قالو لم يتم الاستعلام عنه وسوولي موعد ثاني في تاريخ 17/9 وفعلا رحت قالولي لم يتم الاستعلام عنه وقالو احنا مانقدر نسوي شي لان الريال مااستلم الاعلان وعشان نوصله الاعلان لازم نعرف بيته وانتي مادليتينا ع البيت كيف ادلهم ع البيت وانا ماعرفه طلعت وانا مقهورة ومكسورة وعيوني كلها دموع من قهري سويتله رساله وقلت له الله يرويني فيك ياظالم وبعد الفطور اتصل فيني وصرخ علي وقالي روحي للمحكمة خليهم يعطونج شفت كل شي اسود جدامي وقفلت الخط في ويهة ومن حرتي سويتله رسايل فيها كل الكلام اللي كانه يقوله عن ام عياله وعن حرمت ولده يعني باختصار كل فضايحة وقلت له بفضحك في كل مكان سوالي مسج وقالي كلامج هذا بيروح بكرة للشرطة قلت له عادي روح وخلي يعرفون فضايحك وفعلا راح واشتكى علي سوولي تعهد واليوم بعد اتصلو فيني من نفس المركز اللي انظلمت فيه وماعطوني حقي وخدوا اقوالي وقالوا لي وقعي تعهد واي وقت نبيج فيه تعالي ياصاحب السمو انا انسانة لحم ودم سمعت انه مافي ظلم في هالبلاد لكن اللي شفته غير ساعدني وخد حقي منهم هددوني وهانوني وسبوني وحرموا حملي ومحد خذلي حق وانا بكل بساطة عشان محروقه وقلت ل بطلع فضايحك اتجرجر واتبهدل حسبي الله ونعم الوكيل صحيح اناكتبت كل فضايحة وخبرته بها اني بتكلم ومستعدة احط ايدي ع المصحف على كل كلامي هذا وبعد الكلام اللي كتبته له في الرسالة هو بروحة قاله لي والله مستعدة احلف امااااااااااانة توصلون رسالتي هذي بالحرف للشيخ هذي وصيتي والسلام عليكم ورحمة الله وبركاته