انا مش عارف اقولك لكم ايه او هتسمعوا شكونى ازاى بس انا نفسى اخرج من اللى انا فيه الحياة بقة صعبه جدا الواحد مش عارف يلقيها من ايه ولا من ايه الغلو فى الاسعار ولا التعب النفسى اللى جوانا بس مش هو ده همى همى انى مديون بمبلغ او بالاصح البيت كله مديون بمبلغ وللاسف بجد مبنمش بسبب المبلغ ده ومش عارف برده هل لو ربنا سهل ودفعنا المبلغ ده هل الحياة هتتظبط هل هنقدر نكمل واحنا ممعناش حاجه بتدفعنا انا شاب نفسى فى حاجات كتير زى اى شاب تانى ولا هو انا مليش حق احلم نفسى فى مشروع ابداه انا نفسى فى شقه وهابقى طماع لو قلت نفسى فى عربيه بس مضحكش عليكم الشباب اللى فى سنى كلهم بيحلموا بده مش عارف اعمل ايه حاسس انى لو اشتغلت طول عمرى مش هحقق احلامى مش عارف هو ليه الانسان متولدش لقا نفسه غنى او والده مبسوط ههههههه صدقونى مش عارف عارفين انا زهقت الدين صعب صدقونى والنظره لمستقبلى بفقدها انا اسف بجد اسف انا مش هدخل هنا الموقع ده تانى كفاية انى فرغت الشحنه اللى جوايا او لقيت حد يسمعلى