السلام عليكم:باختصار انحكم عليا خمس سنوات ظلم وابعدت عن البلاد الي دون شك اعتبرها بلادي,ان من ابناء المواطنات دولة الامارات ومن مواليد دبي واشتغلت في جيشها وفديتها بدمي انحرمت من اني اشوف ابي وامي واخواني واخواتي الي عددهم اكثر من 28 شخص بالاضافه الي زوجتي وولدي يوسف ,اهلي قدموا طلب اعفاء للديوان واتت الموافقه بس تحول ملفي الى النيابه وهناك المصيبه!!!

 لما استفسر اهلي عن الملف قالوا انتظر اللجنه لحد ما تقرر والله العظيم كلما تتشكل لجنه ما يكون اسمي موجود فيهاالحين مر اكثر من ثلاث سنوات وبعدين وضح موظف صريح وابن حلال اني بدون واسطه مالي امل في الرجعه ..يا ناس شوا اسوي؟هل اني انتظر لحد ما اموت من دون اشوف اهلي او هل انتظر لحد امي تموت من الحزن عليه او هل ارضى ولدي يعيش يتيم وانا حي او اسير واتسلف 5 دراهم علشان اشتري حبل واشنق نفسي؟وللعلم الناس الي اشتكوا عليا عرفوا انهم غلطانين واتنازلوا عن الدعوى وقالوا انه كان سوء تفاهم!!وانا حتى الحين بدون سكن او عمل في البلد الي بس احمل جنسيتها لسبب واحد لانى كل اهلي من قريب وبعيد مواطنين الامارات الحبيبه يحفظ الله قائدها وشعبها ..