اولا نشكر سيادتكم على مساعدتنا من قبل فى أحد مشكلاتنا بابوتيج محافظة أسيوط حيث انه كان اما منزلنا يقوموا بعمل رصف وتجديدات لمواسير الشارع العمومية وقاموا بالرصف دون تغير مواسير المياه مما ادى الى انفجار مواسير المياه وحدوث أنهيار فى اساسات البيوت والحمدلله انكم وقفتو معانا وبعتوا الموضوع بتعنا للبيت بيتك والموضوع أتحل انا كنت متصور ان الحكاية دى عندنا بس فى الشارع لكن طلع الكلام دا فى كل أبوتيج حتى المواسير الى اتغيرت قبل كدا اتركبت غلط وحصلها بردوا أنفجار وجميع الاراضى الى اترصفت فى أبوتيج كلها حصلها هبوط دا دى طبعا علشان أترصفت احنا حسينا بالهبوط دا امال بقى بقية الاراضى الى مترصفتش المهم طبعا المحافظ بتعنا خلاص رمانا زى الكلاب ومسألش فينا وبقى فاضى بس يزين فى مدينة أسيوط بس الى فيها مقر المحافظة وترك باقى المراكز غير كدا كمان دلوقتى أزمة العيش بقة مرار لدرجة أن الناس الى معاهم بون العيش مبيخدوش وتكلم بتاع طابونة العيش يقلك مفيش عيش روح أشتكينى وهو طبعا بيكون مهرب أشولت الدقيق وبعلم رجال التموين طبعا وانا والله شفت بعينى الراجل بتاع التموين أهم حاجة عنده يخش الطابونة ياخد العيش التمام وكام قرش كدا من تحت لتحت ويمضى على الدفتر انه لف عليهم ولقيهم تمام التمام وتخيل ان فيه مفتش من مفتشين التموين بيبعت ابنه الصغير الى عمره13سنة ينضى مكانه فى الطوابين انه حضر اليوم وان الطابونة تمام التمام ولا يوجد عجز فى رغيف العيش نقول ايه غير حسبيا الله ونعم الوكيل أرجو من سيادتكم أرسال هذه الشكوى الى البيت بيتك والعاشرة مساء وأرجوكم أغيثونا نحن أهالى أبوتيج حيث قمت بأرسال هذه الشكوى لان الكثير من شعب أبوتيج يريد أن يشكى ولا يجد من ينصفه أرجوكم أنصونا وجزاكم الله على ذلك خيرا والسلام عليكم ورحمة الله وبركاتة وكل عام وانتم بخير