انا مواطنه اماراتية احس اني مستغربه من الحياة في بلادنا .. اليوم قاعدة ادول على بيت للايجار ( بدل الشقة اللي احنا فيها ) انصدمت من الاسعار صدقوني وانا اعطي سعر 150000 درهم توقعت انه كبير وايد وبحصل بيه فيلا .. شو اكتشفت انه مبلغ تافه حتى ما يجيب شقة غرفه وصالة .. لمتى بنتم نعيش عذع الحياة اللي محرومين فيها من اهم شي وهو السكن .. اغلب حياتي عيشينها بالايجار .. يا ريت بس اني اتكلم عن غلاء السكن .. خاطري اتكلم عن الغلاء في كل شي .. الاكل والشرب ومستلزمات الحياه ومساعدات للاهل بجد احس اني مصابة بصدمة اذا هذا حالنا عام 2008 شو بيكون حالي بعد عشر سنوات لم ادخل عيالي المدارس وتزداد المسؤليات علينا ..

 انا الحمدلله ما اقول اني محتاجه اشتغل وزوجي يشتغل وفلوسنا على قدنا يعني الفائض منها يا دوب شيء لا يذكر ..لاني اخاف اقول اني موفره 50000درهم وحد يضحك عليه .. بس ما اقول الا الحمدلله ما دام الواحد مستور وفي اخر الليل عنده سكن حتى لو بالايجار يسك بابه عليه فيه