السلام عليكم ارجو قراءة هذه الرسالة بتمعن لاني بجد زهقت خلاص من الناس اللي في منطقة العباسية

اولا : القيادات اللي في الشركة غير مؤهلين انهم يمسكوا مناصب ومش عارف بيمسكوا المناصب دي ازاي ولا يمكن عشان ليهم قرايب مهمين او ليهم معارف مهمين بيتكرموا ويمسكوا المناصب دي على حساب ناس كفاءات بس مش واخده حظها من الدنيا انا خلاص تعبت ومليت من الكوسة اللي في بلدنا اذا كانت من رئيس الشركة اللي مش عارف اذا كان بيعين الناس دي عشان كفاءة ولا عشان مصلحة شخصية ولا عشان معارف

 ثانيا : اصبحت منطقة العباسية من اقذر مناطق الشركة وللاسف ان الكل خايف يتكلم عشان لقمة العيش او يمكن عشان الوجبات متتخصمش واحنا لا حول لينا ولا قوة واحنا مكافئة شاملة يعني اسمنا بالقلم الرصاص وخايفين لاسمنا يتمسح باستيكة لو اتكلمنا وقولنا ايه اللي بيحصل في المنطقة بس نرجو من اي حد من المسئولين ييجي الشركة ويشوف ويسالنا بس يوعدنا ان محدش حيأذينا لاننا اصحاب بيوت وخايفين على بيوتنا وعيالنا

ثالثا : انا نفسي اني اتكلم واقول اللي جوايا لان اللي جوايا كتير اوي اوي اوي من الناس اللي في الشركة دي

 رابعا : فيه ناس مينفعش اصلا انهم يبقوا واجهه شركة بترول محترمة وعشان احددهم اكتر المجموعة اللي كانوا شغالين في الشركة العقارية اللي كانت موجودة من زمان ودلوقتي بعد ما اتعينوا بقوا عاملين زي الغيلان وبقوا عاملين فيها رؤساء اقسام ومديرين مناطق

خامسا واخيرا : اناشد السيد وفيق زغلول لو هو بجد رجل شريف ييجي ويشوف اللي بيحصل في منطقة العباسية ويحاول يصلح اي حاجة عشان يبقي بجد يستحق يبقي رئيس شركة بتروتريد ولو محصلش كده يبقي مليش غير الوزير سامح فهمي عشان اشتكيله وحوصل لاس حد لاني مش بزهئ ولا حزهئ وفي النهاية بقول حسبي الله نعم الوكيل في حد شايف الظلم اللي احنا فيه ومبيتكلمش الساكت عن الحق شيطان اخرس والسلام عليكم ورحمة الله وبركاته