تحية طيبة و بعد ،،، من فضلكم نحتاج تدخل الاعلام لحل مشكلتنا الموضوع باختصار شديد المدارس الامريكان كانت تخضع في قوانينها و نظامها الي ما يسمي البروتكول الدولي و الرابطة الدولية و ذلك لغاية السنتين الي مروا و علمنا ان هذة المدارس بدأت تخضع لوزارة التربية و التعليم في مصر و دة شئ في مصلحة اولادنا علي المدي البعيد الا ان المشكلة بدأت يوم الثلاثاء الماضي لما المدرسة ارسلت تستدعي بعض اولياء الامور لتبلغنا بالاتي

 - المدرسة جالها جواب من الوزارة تفيد فية ان الاولاد اللي في KG1 السنة دي يجب الا تقل أعمارهم عن ثلاث سنوات و نصف و KG2 عن اربع سنوت و نصف و سنة اولي ابتدائي عن خمس سنوات و نصف في اول اكتوبر 2008 و بالتالي كل من هو اقل من هذا السن هيعيد السنة

 - و ا المدارس اللي مش هتعدل وضعها و تنفذ نقل الاولاد هتخضع لاشراف مالي و اداري و دة مدير المدرسة فهمنا انه عبارة عن تأميم الي ان تزيل المدرسة المخالفة الي هي الاولاد اللي اقل من السن في خلال 15 يوم ينتهوا يوم الخميس القادم 6 نوفمبر

 - و المدارس اللي ماشية في اجراءات استخراج رخصتها هتقف الرخصة الي ان تزيل المدرسة المخالفة الي هي الاولاد اللي اقل من السن كما لو كنا دور ذيادة في مبني مثلا المشكلة ان احنا في مدرستنا مثلا عدد الولاد اللي في هذة المشكلة 17 طفل من 210 طفل سنهم متوافق مع القانون و طبعا المدير عايز يلتزم امام الوزارة و ينفذ النقل علما بان اولادي مثلا وهما 3 توائم يقل عمرهم في اول اكتوبر 22 يوم عن خمس سنين و نصف في اولي ابتدائي دون النظر الي العامل النفسي الناتج عن اعادة سنة بلا ذنب لهم و لا ذنب لنا و لا غلط من مدير المدرسة لانة قبلنا بموجب البروتكول الدولي الخاص بالمدارس الامريكية و الدولية و دون النظر لما تتكلفة الاسرة في مصاريف سنة دراسية كاملة و اللي عرفناة ان الاطفال اللي في المدارس الامريكان اللي في هذة الحالة لا يقل عددهم عن حوالي 5000 طفل في المراحل الثلاث (اولي ابتدائي و kg1 &2) • و لما المدرسة قدمت التماس باسمنا رفضوا يستلموا الالتماس في الوزارة و المهلة هتخلص يوم 6/11 و احنا مش عارفين نعمل اية و بنطلب مساعدتكم ان احنا نستسمح السادة المسئولين في تفعيل هذا القرار بداية من العام الدراسي القادم و ليس بأثر رجعي لان الولاد بجد لما سمعوا الموضوع بيبكوا لانهم ملهمش ذنب • اللي بيقلوة هو انا مش شاطر يا بابا و بجيب نمر حلوة ؟ طب لية هعيد السنة ؟؟؟؟

 من فضلكم ساعدونا انا والد ثلاث اطفال اسمى المهندس باسم ثابت شاكر موبايل 0123100969 المنزل 25080483 او 0122868062 و طبعا اي تأكيد او تفاصيل او توضيح انا علي استعداد اقدمة بكل وضوح و معي والد 17 طفل في نفس المدرسة و اذا بحثتم هتلاقوا حوالي 5000 اب غيرى في هذة المشكلة و ربنا يعنكم في مساعدتنا و شكرا مهندس / باسم ثابت شاكر