بيتنا مخطط بقرار التهديم

بيتنا مخطط بقرار التهديم

الإسم :
الدولة : الإمارات
الإيميل :
التليفون :

تاريخ إرسال الشكوي :
Monday 1st of December 2008 07:11:22 AM
الموضوع :
السلام عليكم ورحمة الله وبركاته..احنا اول ماعرفعنا عن موقع هموم حسينا انه هواللي نقدر عنده نوصل همنا وشكوانانتمنى انها توصل لشيخنا صاحب القلب الطيب الشيخ محمد بن راشد آل مكتوم نحن مانعرف كيف نوصله همومنا الصراحه لو شكينالكم همنا بتستغربون وايد,,احنا عائله تتكون من 21 شخص والله العظيم احنا الله يسلمكم اصلنامن عمان لكنا كلنا من مواليد دولة الامارات بالتحديد العين ,الاهل موجودين في الدوله من قبل لاننولد فيها يعني تقريبا أكثر من 30 سنه .احنا سكنا في العين في منطقه تسمى الكبرات 27 سنه كان البيت ملكناوصارت ظروف كان الوالد مريض وكنا محتاجين مبلغ للعلاج فواحد من مواطنين الدوله قال اكتب البيت بأسمي وانا بدفع للعلاج وكتبنا والمواطن خلانا نسكن في البيت لحين الهدم. ويانا قرار بهدم هذه المنطقه ولازم نطلع منها حتى انهم قطعو عنا الكهربه يلسنا فالظلام وفي الحر حتى انه عشنا بالشموع و عندي صور منطقة الكبرات لانه بعض البيوت هدمت وللدليل عندي صور الحاله اللي احنا فيهاوماعطونا اي تعويض,والحين احنا مضطرين انه نطلع من البيت ولو بنطلع في بيت ايجار لازم يكون بيت كبير لانه العائله من 21 شخص وانتو تعرفون اسعار ايجار البيت واحنا ماعندناحد يشتغل ويسد عنا ايجار البيت فأرجو من شيوخنا الكرام بإغاثتنا لولا الحاجه ماشتكينا همنا وحنا مقيمين في هذي الدوله المعطاء ,,وعلى امل وثقه من الشيوخ على مساعدتنا بمنزل يأوينا والسلام عليكم ورحمة الله وبركاته .

هل لديك اقتراح بخصوص هذه الشكوى ؟
أرسل لنا وساهم في إنصاف صاحبها .

عدد زوار هذه الشكوي 1133