الله يساعدهم ويصبرهم

نسبة البدون بدولة الإمارات ,, ليست بالعدد القليل والبدون ,, هم الذين لا يملكون أي أوراق ثبوتية حدثت قصص كثيرة ومنها وفاة أكثر من بدون والسبب عدم معالجته في أي مستشفى والبعض أصيب بإنهيار نفسي من قضية البدون ووقع على أثرها بنوبة قلبية او سكته او جلطة او و أو و أو ,,, فـ لماذا لا يتم توفير خدمات للبدون ولماذا هناك خدمات للمواطن ,, اضعاف خدمات البدون !! لا أرى اي فرق بين المواطن والبدون المواطن يأكل ,, والبدون يأكل المواطن يتحدث العربية ,, والبدون ايضا المواطن يليس الزي الرسمي ,, وكذلك البدون نرى عنصرية واضحة بلا شك فـ ما الحل برأيكم؟؟ وإلى متى سيظل البدون هكذا ينتظر الفرج من الله ,, فـ عسى ولعل ان يحصل على جنسية إماراتية وإلى متى ستظل معايرة البدون من قبل الآخرين ,,؟ أنا لست منهم ,, ولكني اتمنى ان اكون منهم ولابد من المواطن ان يقوم بتجربة حياة البدون فـ التجربة خير برهان اللسان يعحز عن الكتابة وقد ,, تراكمت الأسطر وضاع المعنى والمقصد فـ هل من مصحح ؟

انا وياك بسم الله الرحمن الرحيم تحيه طيبه وبعد نعم انا بدون اعاني مثل غيري لا مدارس ولا عمل ولا سفر ولا بيت يلمني ويلم اعيالي ولا مستشفيات ادفع بيزات والاهم حتى الحج والعمره حارمينا منه انا ابغي اعرف ليش هالظلم اللي يصير فالبدون نرجو من حكامنا النظر في موضوع البدون \من سنين نسمع طلعت اسمينا حق الجنسيه بس للاسف كله كلام في كلام . من 1965 ونحن ماشفناغير هاي البلادناس اتسافر امريكا فرنسا ماليزيا تركيا صين يابان هند ايران ووووووووووووووو بس نحن مانبغي انسافر غير للمكه بيت الله هذي امنيتنا ارجوكم نبغي الحال مو بس كلام بيطردوني من مدرسه بعد

حسبنا الله ونعم الوكيل .. حسبنا الله ونعم الوكيل .. لا اله الا انت سبحانك انا كنا من الظالمين ؟؟ يارب ساعدنا ولاتغفل وجهك الكريم عنا .. والله نحن البدون انعاني انعاني .. انا ادري بمدرسه حكوميه عن طريق المرسووم وعمري 15 سنه وباجي لي 3 سنين واخلص من المدرسه واسير الجامعه وسمعنا انهم بيفصلون طلاب المراسيم يعني بيهدمون مستقبلنا بديهم يعني بنينا هدفنا ومستقبلنا وعلى اخر شي بيفصلونا انزين وين ندرس ؟؟ بمدرسه مختلطه ؟؟ اشحجه ؟؟ وين المسؤولين عنا ؟؟ وينهم انتم جيه ؟؟ لامن مغيث ؟؟ محد بيساعدنا ؟؟ خلاص حتى قاموا يفنشون البدون يقطعون ارزاقهم وهذا حرام من وين بنصرف على انفسنا ؟؟ من وين بنتعالج ؟؟ وين بنتعلم ؟؟ وين ؟؟ نحن من ابناء الامارات اشحجه لحد الحينه نحن ما عندنا شي يثبت هويتنا ؟؟ مع انه نحن من ابناء الامارات نحن عشنا بالامارات وترعرنا فيها عورتو قلوبنا والله ،، صيحتونا لعوزتونا .. وين الشيوخ عنا وينهم ؟؟ منو بيساعدنا ؟؟ والله كل يوم حد يذلنا كل يوم مانقدر انسوي شي والله يبالنا انسير للشيخ خليفه بس انكون فئه كبيره يبالنا نشكي عن حالنا اشويه ماتبغي منكم شي حتى بيت مانبغي،، نبغي جواز وبس اشحجه اللي يستحق الجواز لحد الحينه مب محصل ؟؟ والله في ناس اتموت من فئة البدون لانهم مايتعالجون والسبب انهم بدون وماعندهم بيزات انتو ليش جيه وين القلوب الرحيمه وين ؟؟ وين انلاقي القلوب الرحيمه ؟؟؟ دلونا على قلب رحوم وين اللي بيساعدنا ؟؟ انا ارمس عن البدون المظلومين مب بس انا وهلي لا والله اتينا ايام ابووي مفلس ع الاخر ومع ذلك مايشتغل اتينا ايام خواتي اللي اصغر عني يودون المدرسه درهم واحد اتينا ايام بوك ابووي مافيه حتى ريال والله اني ما ابالغ بدون طبعا من وين انحصل بيزات ؟؟ اذا الجمعيات بتساعد من اكثر من 500 بس شنسوي الشكوى لغير الله مذله ومع ذلك يجنسوون الاجانب اجنبي عنده جواز بس لا يعطونه جواز اماراتي ليش ؟؟ وابناء دولتكم ؟؟ وين حقووقهم ؟؟ حقووقهم ضايعه بس بيي يوم بينزل عليكم غضب ربنا وبيدمركم وبيندمكم طول حياتكم لانكم مضيعون حقوق ابناء دولتكم

السلام عليكم : في البداية اذا انا شكيت حالي ما بخلص وسطور الدنيا ما بتكفيني انا ابي اسأل سؤال واتمنى جواب انا أبي اسأل الدولة ان مب فضيحة يوم نسمع ان دولة لامارت من اغنى الدول فيها ناس ميتة من اليوع بمعنى اصح فقيرة لدرجة انها ماتقدر تستر على انفسها الام قبل لا تاكل اتكل اولادها حتى لو ما بقى لهل شي من الاكل فالدولة نحن نعتبرها امنا ف امنا ليش ما تأكلنا ليش ماتحس بلي احنا فيه انا عن نفسي احب دولتي لو دولتي ما تعترف فيني الله يخلي الجمعيات الي معيشتنا طول هذي السنين. وعندي ملاحظة لكل الي يقرأ الرد هل دفتر ازرق طوله شبر يفرق بين انسان وانسان واذا كان يفرق انا افضل الموت ولا المذلة لأن منة الله ولا منت بني آدم بس فوق كل هذا الله كريم انشا الله بناخذ حقنا عند الله سبحانه وتعالى. ومثال على المذلة (الجواز_بيت) انا استحي اوصف بيتنا وعلى الحالة ف الدولة ما تستحي يوم ابناء شعبها هذي حالتهم احنا في بيتنا يوم انام تسعة اشخاص ينامون في مكان واحد وكلنا كبار واذا احد دخل الحجرة ما بشوف الا بشر طايحة في كل زاوية المهم ما بطول عليكم لأن ادري ما شي فايدة ابلم يكللم اصم .والسموحة على ان كلامي مب منسق لأن فيني قهر....................من هذي العيشة..

انا واحد اعاني من هاي المشكله ليش التفرقه بين المواطن والبدون ليش الرجل العسكري المواطن يستلم معاشه في فوق عشرين الف والبدون يستلم اقل عن 5 الاف ليش ها تفرقه انا يوم اروح مكان استحي اقول انا بدون لابس زي الامارتي واخر شي انا بدون لين متى بنعيش في هامذله اخوانا المواطنين يسافرون ويشتغلون ويدرسون في احسن الجامعات ونحن عايشين بطاليه انا واحد مخلص ثنويه عامه قسم العلمي وحاصل على نسبه 94.3 بالميه واخر شي يالس في البيت هيه يالله الله المستعان