مفيش حل غير الانتحار

مفيش حل غير الانتحار

الإسم :
الدولة : مصر
الإيميل : [email protected]
التليفون :
تاريخ إرسال الشكوي :

هل ترغب في زكر معلوماتك الشخصية : نعم
طبيعة الموضوع : شكوي

الموضوع :
كان الحل الوحيد بدل الانتحار هو انى انجح فى الثانوية العامةبس ده ظلم لانى اصلا طالبه ادبى وبيدرسوا لنا رياضة والظلم الكبير انى ادخل الامتحان ثلاثة مرات ومنجحش فى الرياضة كل اصحابى راييحين الكليات وانا اللى هقعد لسة امتحن الدور الثانى ويا عالم هنجح ولا لاء واحنا فى مصر اصلا مفيش رأفة بحقوق الانسان انا خلاص مش بعمل حاجة جديدة فى حياتى لسة النتيجة ظاهرة امبارح وحاسة انى عندى 60 سنة انا مفيش قدامى غير انى انتحر بس قبل كده لازم الكل يعرف انى اتظلمت

رد 1

الإسم :
الدولة : مصر
الإيميل :[email protected]
التليفون : عفوا
تاريخ إرسال الرد :
Saturday 19th of April 2008 03:09:05 AM
عنوان الموضوع : القاهرة
هل ترغب في زكر معلوماتك الشخصية : نعم

الرد :
احب اقلك ان المشكله بسيطه جدا وما تستاهلش ابدا الانتحار وانتي بعد كام سنه لما تعدي من الثناويه العامه حتفتكري الكلام ده وتضحكي عليه وعايز اقلك الرياضه ماده لزيزه جدا ولو فهمتيها حتحبيها اوي وفي حاجه دايما الواحد بيضحك علي نفسو بيها وهي انه ادبي وملوش في الرياضه والفيزيا والحاجات دي بس ده مش كلام صحيح كل ده وهم الناس الي قبلنا هم الي زرعوه جوانا وانا متاكد ان لو حد فهمك المواد صح حتحبيها جدا واحب اقلك ان انا كنت علم رياضه وكنت بكره المواد الادبيه جدا وبعد ما خلصت الثانويه العامه والكليه بقي نفسي اوي اقرا في التاريخ وبقيت بحب الفلسفه جدا لدرجة اني متهيالي اني انفع فيلسوف المهم ارجع واقلك ان كل حاجه ليها حل حتي لو الحل ده طول شويه اكيد حتتحل بالزوق بالعافيه حتتحل صدقيني وكلنا بنقابل مشاكل في حياتنا وبتعدي مع اننا ساعت المشكله كان بيتهيالنا انه مفيش حل وربنا ان شاء الله يوفقك ولو عايزه اي مساعده في في الرياضيات انا ممكن اساعدك عبر النت انا الحمد لله مهندس واعتقد اني افهم في الرياضيات كويس

هل لديك اقتراح بخصوص هذه الشكوى ؟
أرسل لنا وساهم في إنصاف صاحبها .

عدد زوار هذه الشكوي 1635