تحت شعارات

تحت شعارات

الإسم :
الدولة : مصر
الإيميل :
التليفون :

تاريخ إرسال الشكوي :
Tuesday 27th of January 2009 08:58:11 AM
الموضوع :
أرجو الاهتمام بالخطاب أنا شاب عمري 27 سنة خريج أداب علم أجتماع وطبعا لا اعمل مثل باقي اغلب الشباب ، سمعت ان القوة العاملة في مدينة نصر سوف توزع الشباب غلي العمل عن طريق مكات العمل التابع للمحافظة التي تقيم بها ولما ذهبت أعطوني ورقة أسلمها لمكتب القوة العاملة التابع لحلوان لاني اسكن في حدائق حلوان وطلبوا مني أن أتابعهم بعد 15 يوم ولما ذهبت سلموني ورقة لاتجة ها للعمل في مصنع ملابس بحلوان وحسيت ان ممكن يكون في امل في البلد وان خلاص ربنا هيفرجها !!!!!!!! بس لما ذهبت للمصنع وجت ان الوظيفة عبارة عن مكوجي في الاول اتصدمت بس قولت وماله ابدء من الصفر مثل الاعلانات الي بتضحك علينا في التليفزيون وتصبرنا قولت اجرب !!!! بس رضيت بالهم الوظيفة الحترمة لخريج ليسانس الاداب لقيت مرتبها مغري جدا( 150 ) والشغل من الساعة 8 صباحا الي 5 مساءا يعني حتي لو رضيت مش ممكن اشتغل بعد الظهر تاني المرتب ده حتي مش هيكفي مواصلات بعد طبعا ما المواصلات غاليه . ولما رفضت قلت له اعطيني ورقة أن أذهب بها القوي العاملة انني لم أستلم العمل حتي يمكن ان يبحث لي عن وظيفة اخري فقال لي لا ما فيش لانك انا لم ارفضك انا عرضت عليك الوظيفة الي عندي . وطبعا يأست وقلت خلاص كده بانت ولم اصل الي شئ . * ان طبعا صدقت كل الشعارات الي بتيجي في التليفزيون عن الحق القطار قبل ما يفوتك وان الوزارة عندها شغل للشباب كتير بس الشباب هي الي مش عايزة تشتغل ألا بالمرتبات العالية بس مش لدرجت اني اشتغل 150 جنية وانا جامعي( مع العلم اني اشتغلت امن لفندق بعد التخرج) ده كمان بخلاف المعاملة السيئة الي كانوا بعملونا بها في مكتب العمل، وحتي كمان زوجة اخي كانت مقدمة معي والموظفة قالت لها فوتي عليا بعدين أنا مش فضيالك دلوقتي عندي شغل طب هو مش ده شغلها وله ايه . ** لو الحكومة مش عارفة توفر لنا الشغل المناسب يبقي بلاش الشعارات شعارات شعارات ؟؟؟؟؟؟

هل لديك اقتراح بخصوص هذه الشكوى ؟
أرسل لنا وساهم في إنصاف صاحبها .

عدد زوار هذه الشكوي 647