حرااااااااااااااااااااااااام

حرااااااااااااااااااااااااام

الإسم :
الدولة : مصر
الإيميل : [email protected]
التليفون : 0184909790
تاريخ إرسال الشكوي :
Sunday 8th of February 2009 09:45:08 AM
هل ترغب في زكر معلوماتك الشخصية : نعم
طبيعة الموضوع : شكوي

الموضوع :
السلام عليكم ورحمة الله وبركاته رسالة وشكوى الى من يهمه الامر (ولو انى عارف ان مفيش حد هيهمه الامر ؟) لكن الى الله اولا ثم الى من يهمه الامر بداية اسمحولى اعرفكم بنفسي قبل ما اعرفكم بمشكلتى اخوكم وابنكم احمد من قرية صغيرة فى مركز فى محافظة اسمها الفيوم لو تعرفوها حاصل على بكالوريوس خدمة اجتماعية عام 2006 من يوم ما اتخرجت وانا الحمد لله مفيش فى جيبي 100 جنيه على بعض هتقولو لى ليه قاعد فى البيت مش بتشتغل هقولكم والله اشتغلت فى كل ال يخطر على بالكم من شغلانات مهانة ووضيعة وذليلة واستحملت وقلت الشغل مش عيب لكن للاسف رضينا بالهم والهم مش راضى بينا ال كنت باخده يا دوب كان بيكفى اكل وشرب وسكن لانى طبعا كنت بشتغل خارج المحافظة بتاعتى ال مفيهاش شغل اصلا هتقولو لى وانت ايه مؤهلاتك عشان تشتغل ارد عليكم واقولكم انى زى ما قلت بكالوريوس خدمة اجتماعية -وممكن نقول كمان انى الحمد لله كويس لغة انجليزية وكمبيوتر وانترنت يعني خلفية مش بطالة حاولت اسافر طبعا عارفين لازم مبلغ وقدره ومنين الحمد لله لا ورايا ولا قدامى يادوب الوالد والوالدة ال بيشتغلو بيه بيكفى البيت والحمد لله انا دلوقتى عندي اربعة وعشرين سنة ومعنديش اى حاجة لا شقة ولا شبكة ولا مهر ولا حتى ان لاقيت كل ده مش هعرف اكل ونفسي طبعا زى كل الشباب ارتبط بانسانة كويسة وافتح بيت واشتغل شغلانة تكفينى انا وبيتى حد يقدر يقولى اشتغل ايه او اعمل ايه او اروح فين بصراحة انا مبقتش عارف اعمل ايه ياريت لو حد يقدر يساعدنى باى حاجة بشغلانة بسفر بنصيحة باى حاجة لان ال انا فيه دلوقت حرام والله ما يرضى عبد ولا رب خلاص تعبت يا ناااااااااس والله العظيم تعبت ومعلش انا تعبتكم معايا وخنقتكم بمشاكلى بس فى الاول فى الاخر كلنا اخوات من اب واحد ومن ام واحدة وربنا واحد يعني املى ان الدنيا تكون فعلا لسا بخير وجزاكم الله خيرا والسلام عليكم ورحمة الله وبركاته

هل لديك اقتراح بخصوص هذه الشكوى ؟
أرسل لنا وساهم في إنصاف صاحبها .

عدد زوار هذه الشكوي 679