مستشفى بيلا المركزى

مستشفى بيلا المركزى

الإسم :
الدولة : مصر
الإيميل :
التليفون :

تاريخ إرسال الشكوي :
Tuesday 3rd of March 2009 09:09:31 AM
الموضوع :
تعانى مستشفى بيلا المركزى من الاهمال الشديد على الرغم من انها تخدم قطاع كبير من الناس وبها وحده للكلى الصناعى وبها عنايه مركزه ولكن هناك سرقات واخطاء اداريه تتم فيها بلا حساب مثلا جهاز السكر بالاستقبال والذى يقيس نسبه السكر بالدم معطل ليه علشان محتاج لحجاره (حجاره ب 5جنيه) جهاز رسم القلب بالمجهود معطل علشان (عاوز كابل) وحده الكلى الصناعى لايوجد بها ادويه هامه وضروريه للحالات كما لايوجد غسيل طوارىء كما يقوم مدير الوحده الحالى عاطف عوض الله بأخذ الادويه القليله الموجوده والجوانتيات الى عيادته الخاصه ويقوم بالكشف على الحالات فى الوحده بفلوس واى قسطره يركبها للمريض لعمل الغسيل الكلوى بياخد عليها 50 جنيه... وحده الكلى بيجيلها اليشكات الواحد بحوال800000 جنيه الفلوس دى بتروح فيها ضايعه بين مدير المستشفى محمد فوده وسكرتيره جمال قنديل ومدير الوحده عاطف عوض الله اللى هو اصلا ممارس عام وشغال مسالك وملوش اى علاقه بالكلى لذلك دايما الوحده فى النازل نيجى بقى على بنك الدم مبيصرفوش لحد واللى تبعهم بالواسطه يدولوه الدم ويكتبوا على تذكرته كمتن طوارىء علشان ميدفعش اى رسوم ومرضى الكلى يا حرام بيبقى هيموجلوبين بتاعهم 3 وناس 4 والمعمل يكتبلهم 10 و 11 علشان ميصرفوش الدم علشان صرف الدم عندنا لاقل من 7 جرام فقط المدير بيعامل الاطباء اقذر معامله ودايما بيضحك مع العمال والتمريض ولو شاف اى طبيب يكشر فى وشه شارط علينا الالتزام بالبالطوا والجرافته وال اى دى طول اليوم والامضاء لا تتم الا بهم وحتى فى النوباتجيه بعد انتهاء مواعيد العمل الرسميه بنحضر نبطشياتنا وبيعطينا ساعات صفر نبطشيات وممسك الدفتر لعامل موسمى يشطب على الدكاتره براحته ويساومهم على الامضاءات بأخذ الفلوس او بأرسال طلبات تحاليل عند المعمل بتاع اخته معمل الهلال اللى هى اصلا خريجه علوم وغير مصرح لها غير بتحاليل البول والبراز المستشفى ..مهمله...مسروقه..منهوبه والمريض هو الخاسر الاول والاكبر

هل لديك اقتراح بخصوص هذه الشكوى ؟
أرسل لنا وساهم في إنصاف صاحبها .

عدد زوار هذه الشكوي 2340