مصيـــــــــبة

مصيـــــــــبة

الإسم :
الدولة : مصر
الإيميل : [email protected]
التليفون : 0107195083
تاريخ إرسال الشكوي :
Saturday 21st of March 2009 03:44:03 PM
هل ترغب في زكر معلوماتك الشخصية : نعم
طبيعة الموضوع : رسالة

الموضوع :
أستاذي العزيز محمود سعد انا من المتابعين للبرنامج في أوقات معينة منذ أن كنت في الدراسة الجامعية و معجب باهتمامك و الأستاذ تامر بمشاكل و قضايا الناس و و اللي مش محتاجين غير حاجة واحدة بس انهم يلاقوا حد يسمع لهم . فيه كلمة حضرتك قولتها من زمن و هي معلقة في دماغي في موضوع العيش و قولت احنا اللي بنعمل كدا في نفسنا صدقت القول و ربنا سبحانه و تعالى قال في كتابه العزيز " و لن يغير الله ما بقوم حتى يغيروا مابانفسهم ... الاية " صدق الله العظيم موضوعي غريب لو انك عرفت سني ، انا خريج معهد عالي لنظم المعلومات و الادارة بالمنصورة و عندي 25 سنة و لم اجد شغل كآلاف الشباب و التخصصات النادرة المهملة و اللي مرمي عليها التراب في القهاوي و اماكن تجمعات الشباب حتى أرسل لي ربنا سبحانه و تعالى قرار بأن مادة الحاسب الالي في المنهج الدراسي للاعدادي أصبحت ضمن المجموع قلت الحمد لله و دخلت طريق التدريس ، والحمد لله الواحد بيكبر يوم عن يوم و اهي مستورة و الحمد لله و بدل ما اخد فلوس من الوالد و اقعد على القهوة على الأقل جبتها بنفسي و بردوا باقعد على القهوه بس دا مش موضوعنا موضوعي اني لما احتكيت بالطلاب لاحظت شيء غريب ان الطالب أصبح هو اللي بيعلم المعلم بتاعه الأدب مش العكس نزلت لمستواهم و صادقتهم و بقينا بنحكي عن أشياء غريبة و مش عاوز اقلقك على هذه السن و اللي بيحصل فيها بس انا ليه سؤال انا من ميت غمر ، و المدارس ابتدائية و اعدادية ياخدوا حصة او حصتين و ما حدش في المدرسة بعد كدا ازاي ؟ و المدرس بقى يحضر مرة في الاسبوع و اللي بيحضر كل يوم يجي ساعة و يروح للدروس ! انا كل اللي عاوز اعرفه هو انا بقيت قديم قوي كدا ؟ ايه اللي جرى في 7 سنوات لما كان الواحد مننا بيروح المدرسة و ياخد حصصه بالكمال و التمام و بردوا شغال في الدروس احنا استحملنا كل دا و الطلبة يعني مش قادرين يستحملوا ؟ فين الدرجات الي بتخلي الطالب يروح و هو مذاكر عشان يكون مرعوب من انه ما يحصلش على الدرجات النهائية في المادة ؟ و لا كمان عاوزين التعليم يبقى كله قطاع خاص ... الحقوا المعلمين بجد انا مع اني مش مدرس بقالي فترة بس هيبة المدرس اسف للفظ " عربجي حنطور " احسن منه في الهيبة الطالب من دول بلا مدرسة بلا بتاع و يروح للمدرس اللي يديله في الدرس 20 جند زي ما بيقولوا و اهو بفلوسي انجح او ما انجحش . الاسلوب دا بيخلق جيل يا استاذ محمود لايفقه شيء و لا يعرف معنى الاهتمام و المسئولية و ناجح بفلوسي و من هنا تبدأ كل المشاكل يجيب المجموع النيلة يدخل كلية بفلوس عشان بابا نفسه اطلع حاجة و يا عيني بقى لو طلع مهندس مش فاهم في شغله و البيوت تقع على الناس ما هو متعود ان فلوس بابا بتنجحه طبيب و انت عارف و بتشوف و بتسمع اكتر مني على اللي بيتاجروا في ارواح الناس شرطة او حربية اسأل بس انت داخل ليه حربية او شرطة يقولك انا داخلها عشان اشتغل يعني منطق المادة مش الخوف على البلد و لا لانه حلمة يكون ظابط و كتير منهم مرتشين معلم و لما يكون المعلم مش فاهم في مادته يبقى ..... خلينا كويسين ... الخ الخ أقول ايه انا اترددت اني اكتب لك رسالتي هذه لان بجد الخطة التعليمية فاشلة بجميع المقاييس احنا نمسك البلد ازاي اذا كان الجيل اللي طالع انيل من اللي قبله دي بجد مصيـــــــــــبة

هل لديك اقتراح بخصوص هذه الشكوى ؟
أرسل لنا وساهم في إنصاف صاحبها .

عدد زوار هذه الشكوي 1771