انا من فئة المراسيم يعني تقدرون اتقولون من فئة لايحملون اراق ثبوتيه. قصتي قصه. انا من يوم كنت صغيره دخلوني بمدرسه حكوميه طبعا قبل كانوا ياخذون المراسيم لكن الحينه لا المهم كنت ادرس وفجاة يه قرار من الوزاره انهم يفصلوني من المدرسه لكن ابوي ما سكت عن حقي سار الوزاره ووانا كنت اصيح اشحجه جيه يستوي ؟؟ ومستقبلي ؟؟ المهم وعقب دخلوني وبعد استوالي جيه والله ماجذب عليكم تقريبا 3 مرات استوالي جيه وعقب خلاص انحلت السالفه،، طبعا ابووي مايشتغل قبل كان يشتغل بالجيش لكن الحينه يمكن فنشوه لانه بدون مادري كنت صغيره والحينه عمري 15 سنه تخيلوا باجي لي 3 خطوات وادش الجامعه لكن كيف ؟؟ وسمعنا خبر تفنيش البدون كانت صدمه كيف يفنشووهم وهم من ابناء الدوله اشحجه يقطعون ارزاقهم اصلا مايحق لهم يسوون جيه .. حتى سمعنا انهم بيفصلون ابناء المراسيم من المدارس الحكوميه اشحجه ؟؟ يعني نحن نبني مستقبلنا على هالاساس واخر شي نسمع هالخبر وين اصحاب القلوب الرحيمه ؟؟ وين الشيوخ وين المسؤولين؟؟ حقوقنا ضايعه يعني نحن ابناء الدوله ما حصلنا جواز والاجانب يحصلون ؟؟ كيف جيه ؟؟ نحن بدولتنا ماشي سواويه او بالاصح ماشي مساواه وين مصيرنا من الدنيا ؟؟ مانقوول غير حسبنا الله ونعم الوكيل .. لا اله الا انت سبحانك انا كنا من لظالمين غضب الله بينزعل على اللي ضالمنا.. شو هالظلم محد انظلم كثرنا نحن البدون اشحجه هالمذله ؟؟ نحن تربينا ترعرعنا بالامارات .. قبل الاتحاد اهلنا انولدوا بالامارات على فكره كل البدون يعانون مع التحيات مجهولي الهويه

السلام عليكم ورحمةالله وبركاته أختي أصيري الله وياااج,, نحنا يعد شراتج.. من أصحاب المراسيم,,, بس ما نزلو ,, قرار انهم بيفنشونا من المدرسة ,,, حبيبتي أصحاب المراسيم اللي في دبي يعاملونهم شنه مواطنين,,, ,اعرف وحدة داشة الجامعة بالمرسوم,,, الا نحنا ما نعرف ليش يعاملونا,, جذي عل الرغم نحن عندنا مرسوم صادر من بوظبي,, صبري أختي عليج بالإستغفاااار ,,وقياااام الليل,,, أختج في الله

فديتج اختي الله كريم مانقدر نسوي شي غير الصلاة والدعاء ربي ماينسى عبده والله حرااااااااااام عليكم ارحمونا نحن بشر والله ويييينهم الشيوخ وينهم عنا والله اتمنى انهم يخلصون موضوع البدون باسرع وقت لين متى منتم جذه مقدمين من اكثر من 30 سنه ولين الحين مخيسيناحسبي الله على الظالم محروووومين من كلشي زواج شغل مستشفيات ودراسه ليش جذه ياريتكم بس تكونون شراتنا عشان تعرفون كيف حال البدون والله الشاب كبروا يبون يداومون يبون يزوجون ياحسره من وين ومن بيرضى فيهم يعني راعووووونا الله يرحم والديكم الي يعرف حد من الشيوخ ولا المسؤولين خلي يدله على موقع هموم عشان يقراء يمكن يحسون شوي