بسم الله الرحمن الرحيم انا اب لطفل رضيع يبلغ من العمر عام واربع اشهر بدات ماساتى منذ كان ابنى يبلغ من العمر حوالى اربعة اشهر حينما وجدتة فجاءة لونة يزرق عندما يبكى لدرجة انة نفسة بيروح وجريت بية على المستشفى فى مرسى مطروح واخدت جلسات اكسجين وعمل تحاليل وطبعا الدكاترة محتارين لية كل دة وكل شوية يدخل المستشفى ويرجع لها تانى لحد مافى يوم تعب تعب شديد جدا والكاترة قالوا لازم اشعة موجات صوتية اللى هى ايكو ولازم انزل الاسكندرية عشان اعملها وفعلا نزلت بعربية اسعاف بابنى ونزلت مستشفى الشاطبى للاطفال بالاسكندرية وبدات الماساةابنى اتحجز بالمستشفى دخل العناية المركزة وتخليوا بيبى صغير ياخد كم من الادوية والحقن وياريت يكون بفايدةوبعد خروجة من العناية طبعا طلع عمل الموجات الصوتية وقالوا عندة ثقبين بالقلب وتبادل فى الاوردة والافضل عمل قسطرة لة قلنا ماشى تحت امركم وفضلت مستنى الاجراءات والروتين وطبعا انتم عارفين نظام التامين بصراحة بتوع التامين مش بيتاخروا فى حاجة بس اللى بيتاخر الدكاترة نفسهموبصراحة زهقت من كتر ما فيش حد عايز يحدد لى معاد وانا من مرسى مطروح ورايح جاى وسايب شغلى طب اعمل اية وبعت فاكس لوزير الصحة وبعدين ردوا علية وروحت تانى المستشفى وحددوا لى معاد للقسطرة وجينا حسب الميعاد والدكتور فجاءة قالى اكتب اقرار لان ابنك لو عملها احتمال يموت تخيلوا لما دكتور يقول لاب كدة طب اية العمل يا دكتور قالى اصبر فية وفد اجنبى جاى كمان شهرافضل انك تنتظرة يعمل لك العملية وانتظرت الوفد وعملت الاوراق الازمة ولما جة الوفد الدكتور الاجنبى شاف الورق والولد وقال لاااااااازم قسطرة رحت رايح للدكتور تااااااااااااانى وطبعا انا مقدم كذا شكوى لوزير الصحة المهم رحت وحدد لى قسطرة وطبعا كان فية وفد تانى جة وعملت القسطرة وهو نفس الكتور اللى قالى ابنك حيموت هو اللى عمل القسطرة وطبعا هو برضة السبب انة عطلنى فى انة يطلع اليسك بتاع القسطرة عشان الحق الوفد التانى وقلت لة يا دكتور ارجوك عايز الحق الوفد قالى انا حكلمهموابقى اتصل بية وكل ما اتصل بية يقولى معلش كلمنى باليل ومرة يقولى كلمنى الصبح لحد ماقالى انا كلمتهم وقالولى ما ينفعش نعمل العملية حالتة خطر طب بالله عليكم هما شافة حالتة ازاى وهو اصلا ما كنش طلع الديسك بتاع الولد يعنى بيكدب علية وضيع منى الوفد التانى كمان ورحت لدكتور فى عيادتةوقالى لازم بقى يسافر مصر ويتعرض على الدكاترة هناك لانهم هما المتخصصيت فى هذة العمليات ورحت القاهرةوالتامين حولنى على هناك وقالولى انت لية اتاخرت كدةقلت لهم اعمل اية مش ذنبى وقالوا لى طيب سيب الورق وحنبقى نتصل بيك او انت ابقى كلمنى كمان كام يوم وفعلا كلمتة وكل ما اتكلم يقولى لسة ما عرضناش الورق وكل ما اتصل على كدة وبعدين بعت شكوى لوزير الصحة والتامين بعت لىورحت تانى للمستشفى واتفجئت انهم ضيعوا الاوراق بتاعة حالة ابنى طب اعمل اية لازم ادوخ الدوخة اللى دوختها تانى وطبعا مضطر انى اعمل اوراق جديدة وعملت فعلا اوراق ووديتها للقاهرة تانى وقالولى حنبقى نحدد لك بقى معاد وطبعا كل شوى اقدم شكوىلوزير الصحة ويبعتولى واروح والمرة دى قالولى دور ابنك رقم الف وتسمعائة تمانية وتسعين طب انا ابنى حالتة خطيرة لازم عملية بسرعة مافيش عندى فلوس عشان اعملها لة فى مستشفى خصوصى اروح لمين وطبعا سلمت امرى للة وسافرت مرسى مطروح وابنى تعب منى جامد جدا وطبعا روحت بية المستشفى وطبعا كل شوية عايش على الاكسجين والعلاجوطبعا رحت لسيادة المحافظ محافظ مطروح والله كتر خيرة الحالة صعبت علية وبعتنى بجواب لمدير المستشفى بالقاهرة لكن المدير قالى روح للمختص ورحت لدكتور هناك قالى مافيش حد موجود طب يا دكتور انا جاى من مرسى مطروح رد وقالى مش مشكلتى وانا مالى تعالى كمان يومين يكون اللى معاة الاوراق موجود وفعلا سافرت ورجعت تانى ولاقيت الدكتور لما اديتة الجواب بتاع المحافظ قالى انت اتاخرت ابنك ما ينفعش تتعمل لة العملية قلت لة انا ما اتتاخرتش انتو اللى بتاخرونى قالى مش مهم مين السبب انت احنا المهم ان العملية خلاص ما ينفعش تتعمل طب ازاى قولولى اعمل اية المفروض ان العملية ما تتعملش لما يتم السنة ونص بس هو لسة عندة سنة واربع شهور ارجوكم ساعدونى ارجوكم ابنى بيضيع منى ومش لاقى حد يلحقة ارجوكم ساعدونى عايز اعمل العملية لعبد الرحمن امة من ساعة ماعرفت انة ما ينفعش العملية تتعمل منهارة غير انها من يوم تعبة وهى فى دوامة معاة مش حاسة بطعم الدنيا وهى شايفة ابنها بيضيع من بين ايديها بسبب الاهمال الموجود ارجوكم اصحاب القلوب الرحيمة ساعدونى