بسم الله الرحمن الرحيم استاذ محمود الموضوع بكل المقايس انسانى وبختصار شديد انا من سنة بشوف حالة واحدة ست مسنة معرفهاش لكن بتصعب عليا جدا لدرجة انى بفكر فيها ليل ونها حاولت اساعدها كذة مرة لكن ده كان خطاء منى لأنى بطمع الناس اللى بتستغل عجزها وشيخوختها وكبر سنها ومرضها لأنها ست مصابة بشلل ولاتستطيع الكلام بشكل معقول تقريبا عندها جلطة وورم شديد جدا فر ساقيها الأثنين وجروح على وشك انها تسبب بل سببت غرغرينة فى احدى ساقيها الست ديه فى حد بيستغلها بيحضرها الصبح فى ميدان الجيزة فى عز الحر ويسبها الناس طبعا بتصعب عليهم فيسعدوها وتفضل لحد اخر اليوم ييبول على روحها ولا اكل ولا شرب وحالتها بتسوء انا اتمنى اعرف مين المسئول عنها لكن ده مهناها انى هفضل طول النهار فى الشارع انتظر ويمكن اطلع فى الأخر غلطانة ياترى مفيش حد مسئول بيشوف الناس اللى بالشكل ده خصوصا وهى موجودة فى ميدان عام ذى ميدان الجيزة ومفيش مكان يساعد الناس المسنة اللى ماهلهاش حد او ليها حدبيستغلها ياريت قبل ما تعرض المشكلة ديه تروح بنفسك لميدان الجيزة عند موقف الهرم قبل سيارة التبرع بالدم اللى دايما وقفة بالقرب من الحالة ديهعند الشرطة العسكرية وجزاكم الله خير