السلام عليكم ورحمة الله وبركاته ارجو ارسال شكوتي للاستاذ محمود سعد انا بنت مصرية اتخرجت من كلية الهندسة عام 2004 وعمري الان 28 سنة انا من اسرة بسيطة من مدينة السنبلاوين-دقهلية في اخر سنة لي في الجامعة تعرضت عائلتي لبعض الظروف الصعبة فقررت ان اكمل تعليمي واشتغل واصرف على نفسي وطبعا للظروف الصعبة قبلت بالعمل من غير شهادتي وقبلت باي حاجة لدرجة اني كنت بشتغل ب 350 جنيه في الشهر وكان همي الوحيد لا اكون حمل على عائلتي وكان كفاية انهم علموني وكبروني ووصلت في شغلي لمرتب 650 جنيه وبعد 3 سنين من العمل ربنا رزق اختي بشغل كويس فرحت وقولت بس هبداء ادور على شغل بشهادتي وكفايه مرمطة واختي هتساعد البيت وبعد ما سبت الشغل وبداءت البحث لقيت كل الفرص فاتتني وشروط الشغل كالتالي 1-طبعا واسطة جامدة جدا 2-معاك كام واشغلك 3-خبرة في المجال لا تقل عن 3 سنوات لقيت نفسي تايهه ومش عارفة اتصرف وقولت هو انا كدا غلط لما قررت اشتغل اي حاجة واريح اسرتي من مصاريفي؟؟؟؟؟؟ انا مش عايزة فلوس ومش عايزة ابداء شغل بشهادتي ويكون بالرشوة لان كل الناس بتعمل كدا انا عايزة حد بجد يساعدني ويخليني اشتغل بشهادتي عارفة اني اتاخرت بس غصب عني بجد انا حتى فقدت قدرتي على التواجد في المجتمع ارجوكو محتاجة حل