بسم الله الرحمن الرحيم كان اله في عون العبد ما كان العبد في عون أخية وبما إن حضرتك المسئول عنا فقررت إني أراسلك وهو ده المتاح السيد/ رئيس مجلس إدارة الشركة المصرية للخدمات البترولية أبيسكو تحية طيبة وبعد نرجو من الله أن تصل إليك هذه الرسالة ونجد لها صدى من سيادتكم نحن العاملون في موقع رأس شقير نناشدكم بأن تنظروا إلينا وتنظروا لأحوالنا فنحن متعبون من المعاملة السيئة من المديرين "مندوبين المقاول سابقا"فهم إلى الآن لم ينسوا إنهم مندوبين وليسوا مسئولين في شركة تريد أن يكون لها كيان واسم.

بالنسبة للأجور حضرتك هتقولي ده من الهيئة صح ولا أنا غلطان أحب أن أوضح لسيادتك إن الواحد فينا لو مرتبة وصل 1300 جنية يخصم منه حوالي 146 جنية على الأقل فأي ضريبة هذه أمال لو الراتب وصل 2000 جنية هيتخصم كام ده بالنسبة للناس المتعاقدين أما بالنسبة للناس إلي هم لسه بيعملوا باليومية ليه يتخم منهم ده اليوم إلي بشتغلوا أقبضه واليوم إلي مريض فيه حتى شكرا مفيش عندنا يومية ليك يبقى ليه تخصم مني يوم ولا أثنين في القبض. بالنسب للعقود إحنا روحنا نمضي البية بتاع جابكو قال أنا ماعنديش أوامر إن حد يمضي أنا عايز اعرف إحنا تبع مين المفروض إن إحنا شركة مستقلة يعني يجي واحد من الشركة إلي أنا شغال فيها يمضيني مش واحد من شركة ثانية يتحكم فينا. بالنسبة للأتوبيسات الخاصة بالأجازات أتوبيسات الشركة غير صالحة للسفر كل هذه المسافة والكراسي ضيقة جدا والسائقين غير مهذبين على الإطلاق تحس إننا شغالين عندهم وهم طياريين السواق بيأخذ ال2 كرسي إلي في الأول ويربع عليهم ماكان بيجي أتوبيس السياحة بسواق واحد رايح جاي "ياريت تتعاقدوا مع شركة سياحة". بالنسبة للتغذية فمن يوم ما الشركة هي إلي مسكت التغذية والحمد لله كل يوم في النازل وكل يوم أسوأ من إلي قبلة ولما زيارة تيجي يكون في إخبارية قبلها كله يبقى تمام ومحدش بيسأل ولو حاول تلاقي العصافير ملمومين حولية"المديرين المساعدين" لمدير الموقع ومحدش حاسس بينا في أيام كثيرة بتيجي علينا ندخل صالة الطعام مانلقيش أكل وننتظر طيب أنا عندي راحة 40 دقيقة أنتظر قد أية عشان يجي الأكل وأكل. على فكرة دي مش كل حاجة أنا قولت أشوف الأول إية إلي ممكن يحصل من الشكوى دي ولو لقيت لها رد ملموس من سيادتك أوعد حضرتك إني هكتب لحضرتك ثاني. والله ولي التوفيق