حقوقنا فى قسم ثان طنطا مسلوبة مننا ومش عارفين ناخذ حقوقنا وهى كالاتى

 اولا :فية فلوس بتيجى من البنوك ودى للافراد كلها وللاسف كثير منا لا ياخذها من حوالى خمس سنوات ومش عارفين بتروح فين

 ثانيا : مكافات الكنترولات دى المفروض الافراد اللى بيتعينوا عليها بياخذوا عدد الايام اللى اتعينوا عليها يعنى مثلا خدمة المطبعة السرية الخاصة بالامتحانات بتصرف خمسة فى المائة فى اليوم والمدارس بتصرف سبعة فى المائة فى اليوم ودة طبعا من اساسى المرتب وكل فرد منا على الاقل بينزل شهر على الخدمة وللاسف نفاجىء ان الفرد بيقبض مبلغ رمزى غير الحقيقة فى كراسة او ورقة هما عملنها غير الواقع خالص وفية منا بينزل الخدمة ولا يقبض شىء وهما بيبعتوا الاسماء على كيفهم وهما الامين شرطة /مجدى والبلوكامين المساعد /صلاح وكل اما نسال عليها يقول انتوا مالكوش حاجة وللاسف السيد المامور/ ابو بكر الفوالة دى اوامرة غير انة لايفقه اى شىء ومش عارفين دة اتعين مامور قسم ازاى والمشكلة الاكبر ان القيادات فى طنطاعارفين كدة كويس وسيبينة لية مش عارف ثالثا / حافز الوزير احنا عارفين انة بيجى لثلث القوة ولكن فية افراد بيقبضوة باستمرار ودة طبعا على حساب ناس ثانية وفية اللى بقالة كثير ماقبضش المهم ياريت السيد مفتش الداخلية يحضر ويشوف العصابة اللى فى القسم دة المرتبات وبلوكامين القسم والمامور والظباط الموجودة كلها لانى اقسم باللة العظيم القسم بايظ فى كل حاجة فى نظام التشغيل والمرتبات وبلوكامين القسم ومثال ازاى احنا فى عصر الكمبيوتر ولما نيجى نتحضر علشان ننزل خدمة نلاقى كشف الخدمة والنوبتجى بيحضرنا على ورقة لحمة ولا ورقة مش عارف اسميها اية فارجو من السيد / مدير الامن والسيد / مفتش الداخلية الاهتمام بالامر بس المهم ياريت ما تجوش على الافراد الغلابة وبعدين القسم مليان امناء شرطة كثير مفيش فيهم واحد ينفع بلوكامين قسم دة معقول ولا فية سر يعنى لازم المساعد/صلاح يبقى هوة البلوكامين ياريت ياريت ياريت يتم تغيير دم القسم دة وكل الى موجود فى المكاتب يتغيير وصدقنى يا سعادة الباشا فية امناء كويسة ومحترمة متبهدلة فى الشارع بدون داعى طبعا هوة فية مخالفات كثير فى القسم وسيادتكم اسالوا الافراد اللى فى الشارع مش اللى فى القسم وانتوا هتعرفوا صحة كلامى فارجوا سيادتكم الاهتمام بهذا الموضوع علشان خاطر اولادنا لان كل جنية بيروح اولادنا اولا بية ولسيادتكم جزيل الشكر