انا مهندس وشغال بقالى خمس سنين وقررت انى اعتمد على نفسى ووفرت مبلغ اقدر اتجوز بيه لكنه راح فى الاخر لناس معندهمش ولا ضمير ولا قانون.بمعنى انى اشتريت شقه فى عماره كانت لسه بتبنى من سنتين فى فيصل بالجيزة وعلى حسب ما الحى كان معلق اعلان اننا لازم نسأل على العقار قبل ما نشترى ولما سألت كان ردهم ان مافيش مشاكل وان الناس دى بتبنى واحنا مبنقدرش نعملهم حاجه.المهم علشان مطولش الحديث. انا بقالى سنتين ولا فى مرافق فى العمارة ولا العمارة كملت مبانى ولا كهرباء ولا اى حاجه ولا عارفين نعمل حاجه ولو ذهبنا للقضاء فيها ولا اربع سنين كمان. يعنى هابوظ جوزتى واقعد استنى المحكمه.وبعدين كنت مفكر انها مشكلتى انا بس لكن للاسف طلعت مشكلة ناس كتير جدا يعنى مئات العمارات وكل عمارة لا تقل بالميت عن 20 شقه ومش عارف ليه المسؤلين بيسيبوا الناس دى كده وبعدين يطلع محافظ الجيزة من فترة يزيل عمارات بالعشرات ومش مشكله بالنسبه له ولا للناس الى بتبنى ويكون الضحية امثالنا الى فلسهم بتضيع بعد تعب سنين.لازم يبقى فى حل مش بعد ما العمارة تتطلع ازلها وتضيع فلوس الناس. لازم ادور اصلا على الموظف المرتشى الى الشغال فى الحى الى سمح انى العمارة تتطلع 14 دور وبعد كده يقولوا مفيش مرافق اصل العمارة مش مطابقة.فاحرام البيحصل فيا وفى الاف الاسر الى بتشترى وتفضل متشرده مستنيه صاحب العمارة الى مفيش حد يقدر يعملوا حاجه .او قلقنين ان المحافظ ييجى يزيل العمارة او ان حد يسيب الناس دى تبنى عمارة فى سنة او فى اتنين او فى عشرة .0103122627