بحب مصر علشان بلدي .. فيها أهلي فيها اتولدت و مات فيها ابائي .. بس الحكومة و الشعب زي الشحنات المتشابهة دايما متنافرة لو الحكومة قربت الشعب يبعد يقول أكيد مؤامرة أصل الحداية مبترميش كتاكيت و لو الشعب قرب الحكومة تبعد طبعا قرفانة .............................. بس عندي إعتراض .. ليه البلد قصدي الحكومة طبعا بتضرد العلماء و المفكرين و مبييفضلش فيها غير الراقصين و المتنطعين و أصحاب الذمم الأستيك ؟؟ ليه دايما الإنسان المصري متهان جوه بلدة و متمرط بره بلدة ؟؟ لية الإنسان المصري ملوش سعر .. ببلاش لدرجة إننا بقينا بنتسرق و نتقطع و نتباع أعضاء لأي حد يدفع دي الطريقة الوحيدة اللي الإنسان المصري فيها بيبقي غالي ( إنة يتباع أعضاء ) .. هل إحنا وحشين أوي كدة وللا الدنيا مش لينا و للا فينا اللي مخلينا كدة و للا سكوتنا هو اللي قاتلنا وللا إية و للاإية..