الأستاذ / معتــز تحياتى واحترامى لحضرتك الموقر وألف مبروك على زواج حضرتك واتمنى لك التوفيق فى حياتك مع من اختارها قلبك وعقلك .

الموضوع سوف يتركز على عدة نقاط : أول نقطة : انى لما حبيت اتزوج حبيت ابعد عن الزحمة وعدم الأمان فذهبت لمنطقة تابعة للقليوبية اسمها الخصوص تزوجت وانجبت طفلين عمر لسة فى الحضانة المهم يوم بعد يوم حسيت ان المنطقة ليس فيها مياه نظيفة وبها شوائب وفعلا الموضوع دة أثار فى التليفزيون والمياه اتظبطط شوية الحمد لله احنا كنا فين وبقينا فين .

 ثانى نقطة : شرب المخدرات بكثرة ويمشو فى الشاعر يعاكسو البنات بس مش بطريقة كبيرة بصراحة بس انتشار المخدارت فى هذه المنطقة بطريقة كبيرة يعنى ال عايز يكسب فلوس يبيع المخدرات للناس دى .

ثالث نقطة وهى سرقة البيوت كانت فى وقت من الأوقات بطريقة كبيرة جدا لدرجة ان بعض البيوت ينام اب الأسرة خلف باب الشقة مباشرة وبجواره شيئ حاد او شومة ولاكن الموضوع هدى شوية وذلك للمصيبة الأكبر وهى النقطة الثالثة.

 النقطة الثالثة : سرقة الأطفال .. وكانت سرقة الأطفال تقتصر فقط على الأطفال عمر عام ونصف اما الآن مع التطور اصبح سرقة الأطفال عمر 6 سنوات وأيضاً الشباب يأخذو الشباب وفى مكان ما يوفوجئ الناس بشاب مرمى وباطنه مفتوحة وميت . كانو يسرقو الأطفال من جرأتهم من وهم بجوار امهم وهى بتشترى شيئ من السوق مثلا تبص فى لحظة ما تلقهوش وتجرى تبحث عنه فى كل مكان ما تلاقيه وتظل تسرخ وتسرخ ولا فائدة خلاص انتهى ال راح ما بيجيش من عمر سنة ونصف حتى ست سنوات حتى الشباب .. الآن تخاف الأم ترسل ابنها يشترى حلوة علشان خايفة انه ما يرجعش . وبالنسبة للأمهات العاملات مثلى نخاف نوديهم الحضانة لا ما يرجعوش ولو حبسناهم فى البيت وروحنا الشغل يدخلوا المطبخ يحصلهم شيئ . دة حتى الأب لما ياخذ الطفل معاه وماسكه فى يده جامد لكى يشترى له شيئ او طلبات البيت مثلا الأم تظل حاطة يدها على قلبها وتستنى فى الشباك وتجلس تدعى يارب يرجعلى خايفة وهو حتى مع ابوه وانت تقدر تقدر الشعور دة احنا مش عيزين نبقى سلبيين الموضوع ممكن يكبر اكتر من كدة ..

 طبعا الموضوع شديد الخطورة بس انا ما بعرف اشرح كويس بس الناس قالولى ابعتى للأستاذ معتز فىالبيت بيتك وهو ممكن يعمل حاجة . وطبعا الموضوع منتشر يعنى أكيد الشرطة عندها خبر بس حتى ما حاولوش عساكر حتى تقف بين الناس بلبس ملكى يشوفوا ايه ال بيحصل بالعربى شاريين دماغهم لا يجلهم خبطة كدة ولا كدة وأصبح السرقة الآن باتنين واحد يقف يعاين وياخد باله ويحدد الطفل والتانى ياخده على الموتوسيكل وفص ملح وداب .. احنا هنتجنن علشان الموضوع دة لأنه كتر قوى عندنا ويا ريت تثيره فى البرنامج يمكن حد يهتم انا ببقى شايفة واحدة شايلة طفل نايم ببقى خايفة لا تكون سرقا من ام هتموت على ابنها ولو كلمتها وطلع ابنها ممكن تبهدلنى ومش عارفة اعمل ايه ممكن انت تقدر تعمل حاجة . عامة المكان فى سوق الخصوص بجوار الجمعية الشرعية – القليوبية - انزل وأسأل وما بقاش زى الاول الواحدة تخلف خمسة ولا ستة لا اصبح الست عندها وعى اكتر انها لازم تربيهم وبعدين المصاريف والحياة غالية انزل وأسال احنا خايفين قوى على عيالنا قوى.