قبل الكلام فالسلام السلام عليكم ورحمة الله وبركاته اما بعد مشكتلتى انه تم تحطيمى ومش عارف ابدا منين بس لازم ابدا واتكلم لانى اتخنقت وتعبت ومش قادر اسكت ودماغى ضربت من فلازم انى اتكلم الموضوع ياسادة انى من زمان كنت بحب العلوم كافة وتفوقت فيه واخترت الكمياء علشان تكون مجالى ودخلت كليه العلوم قسم كمياء واتخرجت وخلصت بس مع الاسف كان نفسى اتخصص فى قسم الكمياء النووى وده لانى بحب الكمياء ويمكن اعمل حاجة او اكون شىء بس النصيب القسم ده موجود فى جامعه الاسكندرية والقاهرة فقط المهم كان مشروع تخرجى فى الكمياء النووى واخدت فيه امتياز وبعد كدة كان الدكتور عايزنى احضر واكمل بس الظروف والظروف باختصار انى الولد الوحيد الكبير العائل بعد وفاه والدى فى السنة النهائية لى فى الكليه ولى ثلاث اخوات وامى ومطلوب منى ان اعمل وان اكفل هذا البيت لكن حاولت بس فشلت اولا كشغل فى مجالى لم اجد لسببين لم اجد شغل بشهادتى اولا انى معنديش خبرة وثانيا انى معنديش واسطة فقررت انى انسى الشهادة اللى انا اخدتها وابدا اتعامل او ادور على شغل على انى بدون شهادة او معايا اى حاجة غير بكالوريوس علوم المهم اشتغلت فى صيدلية وبعدها مندوب ملابس بشنطة وبعدها بياع فى سوبر ماركت وبعدها فى سيبر كومبيوتر وبعدها فى سوبر ماركت بياع ثم مدخل بيانات والمهم دى كانت اخر شغلانة اشتغلتها خلال كل الشغل دة طبعا الاجور زهيدة لا تكفى لان اكفل بيتنا او انى اكفل نفسى وخلال الفترة اللى فاتت عانيت من عده ضغوط شديدة جعلتنى اصاب بالاكتئاب المرضى مع جميع اعراضة وطبعا عقلى معدش زى الاول والنهاية قعدت فى البيت مبخرجش مبكلمش حد دى نهايتى ودى قصتى مش عايز حد يبقى زى او يحصله اللى حصل ليا بس نصيحة لاى حد بلاش تعليم ووجع دماغ لان العلم مالوش تمن هنا فى بلدنا وحتى لو له تمن مين اللى ممكن يقدرك او يعينك او يدخلك فى مشروعات البحث العلمى او يدخلك علشان تاخد منحه بره مصر وترجع عالم نووى كان نفسى اكون فعلا عالم او اعمل اى شىء فى الدنيا دى بس مفيش نصيب لو حد من السادة القراء سالنى طب انت عايز ايه دلوقتى هاقول انى عايز اعيش بس ومعنى اعيش انى اشتغل فى اى مكان بس بمرتب كويس ايه هى الشغلانة مش هتفرق لان اى شغل مادام مش فى تخصصى اللى انا اقعدت طول عمرى ان اعمل فيه يبقى كله واحد