السلام عليكم ورحمة الله مش عارفه ابداء كلامى ازاى اشتكى مين لمين السئوال لغير الله مزلةواملى فى الله كبير يجعل اخر صبرنا خير انا وزوجى واجهنا مع بعض مشاكل كثيرة وضيق كتير وكل مره اقول ربنا يجعل اخر صبرى خير لكن المشكلة دلوقتى تعب ولادنا معانا معلش يمكن بطول فى الكلام لكن انا بفضفض من غلبى وربنا وحده هو العالم بضيقتى وكربتى لا اله الا انت سبحانك انى كنت من الظالمين عمرى ماهيأس من رحمت الله فى بداية زواجى كنت اعمل فى الحكومة بوظيفة مؤقته ولكن دخلها معقول بالنسبة للحكومة وكان زوجى يعمل بالقطاع الخاص وكان من المفروض ان اقعد فى البيت لاننا ساكنين فى مدينه جديده والمواصلات صعبه وغاليه وانا بصراحه كنت سعيدة مش زعلانه لان زوجى مش عايزنى اتبهدلولكن يا فرحة ماتمت استغنوا عنه فى الشغل واصبح عملى هو مورد الرزق الوحيد لينا واصبحت حالت زوجى المعنويه زفت يخرج معيا من الصبح يوصلنى ويلف على رجله يدور على شغل طبعا الشباب الضغير الحلو كتير ومرمى على الرصيف وكمان مؤهلات عليا ايه اللى يخلى اى صاحب شركه يوظف واحد عنده 30 سنه ومؤهل فوق المتوسط وشكله عادى مش محنتف فى نفسه للاسف كل الدنيا بتدور على اللى يضحك عليها والله زوجى انسان محترم ومهذب ومؤتمن يحافظ جدا على شغله ومتمكن منه وعنده ضمير وللاسف بيتحارب من زملائه لان التزامه بيظهر عدم ضميرهم المهم فضلنا على الحال ده حوالى سنه كنت فى السنه ديه خلفت بنتى الاولى وطبعا مش حقول بعت ايه واستلفت ايه عشان نقدر نعيش لكن كان وش بنتى حلو علينا والحمد لله لقى زوجى عمل بشكل مؤقت لكن طبعا احسن من مافيش وكان دخله والحمد لله كويس وفرحت تانى وقلت ربنا ريحنى لانى كنت فعلا اتبهدلت من الشغل والحمل والمواصلات وكثرة الهموم ولكن والله ماحد حيصدق اللى بيجرى لى جت لزوجى وظيفة اخرى فى هيئة حكوميه والمفروض انها كويسه واصر والده ان يعمل بها حتى يطمئن عليه وعلى مستقبله وكانت الضربة الثانية طبعا فى شغل ومصاريف مواصلات ومفيش فلوس خالص وكنت خدت اجازة من شغلى على امل مرجعش تانى ورجعت رغما عن انفى بصراحة زوجى لم يطلب منى ذلك وكان يعمل اى شىء يلاقيه وكان يبحث عن اى عمل مسائى باى راتب لكن للاسف سكنا البعيد كان عائق لاننا حنصرف اللى بيخده مواصلات كان يكتب ورق على الكمبيوتر او يجمع جهاز لحد اى حاجة ممكن يعملها يعملهاوظللنا على هذا الحال يوم حلو ويوم مر واحنا الحمدد لله راضيين وساعده والده فى انهاء دراسه البكالوريوس ليتوفر له فرص احسن لاكن مع السن والشكل كان طبعا صعب المهم كنا راضيين ومعانا اولادنا الثلاثة وربنا ساعدنا واشتغل زوجى معى فى نفس المكان وكان ده امل صعب واتحقق لكن تخيلو ايه اللى حصل المره دى انا اللى خدت اجازة من الشغل وقعدت فى البيت طبعا مش بمزاجى لكن بنتى دخلت المدرسه فى نفس المدينه ومواعيد المدرسه بدرى وانا برجع متاخره كنت اوديها فين ولا معلمهاش كمان قررت ده انا وزوجى وتوكلنا على الله وقلنا الارزاق بيدى الله لكن الاسعار زادت جدا والمرتب طبعا زى ما هوه ومصاريف الاولاد مع المدرسه كمان بتزيد مش بتقل وشغلى انهى عقدى قالو بما انى باخد اجازة يبقى مش محتاجه الشغل بعد 11 سنه والله بمنتهى البساطه كده من غير ولا مليم انا اصلا كنت فى اجازة بدون مرتب يعنى هم مبيدفعوش حاجه اصلا الحمد لله كل ده عدى وفات المهم دلوقتى المشكله اللى محيرانى كان املنا الوحيد فرصة عمل فى الخارج عشان نصلح بيها احوالنا ونقدر نربى ولادنا من غير مانمد ايدينا لحد على فكرة كل اللى حوالانا قريب وغريب ماشاء الله احوالهم جيدة ولكن للاسف لانهم عارفين ان احنا على قدنا اول ماحد يشوفنا يشتكى مر الشكوى ويحكلنا على المصايب اللى عنده وكأن الناس مستكتره علينا نعمة الرضاوللاسف المصايب بتيجى من القاريب واحد قريبه جاب له شغل فى السعوديه وكان شرطنا الاساسى اننا نكون انا والاولاد معاه حيسيبنا لمين كل واحد مشغول بحياته واولادى كلهم صغيرين محتجاين ابوهم وامهم وكمان احنا والحمد لله مترابطين واتعودنا اننا نعمل كل حاجه مع بعض وحتى الاولاد مكناش نسيبهم يباتو عند جدهم ولا مره عشان يتعودو على كده وطبعا عملنا البحر طحينه وقلنا حننبسط جدا ونعمل قرشين حلوين ينفعونا وهحج واعمل عمره بس يسافر وبعد 3 شهور حيستقدمنا وطلبنا المشورة من اهلنا قالو هو بياخد هنا نص الراتب المعروض عليه ويسافر وبلاش بتر الراتب 1800 ريال ياكل ويبعتلنا ناكل وطبعا بس ومفيش استقدام ولا حاجة والاجازة بعد سنتين وحسبى الله ونعم الوكيل يعنى المأساه كملت ده اللى كان ناقص فعلا يتعذب فى الغربة ونتعذب احنا كمان من غيره ناهيك عن اضطراب سلوك الاولاد بعد سفر ابوهم والسؤال الدائم عليه وليه مش بيجى وليه احنا مش بنرحله والله انا فوضت امرى الى الله فكرنا ندخل جمعيه كبيره عشان نسافر ليه لكن مش لاقيه فكرت استلف لاكن مين من اللى بشتكلينا المر حسلفنى عشان اسافر عارف اقرب الناس ليه قالو ايه ان شاله عنه ماحوش المهم هو ياكل وانتو تكلوا وخلاص وكاننا اصبحنا حيوانات كل المهم فى حياتنا الاكل طب ما احنا كنا بناكل مع بعض وراضيين هو ده كتير انا فى نهاية كلامى ماليش الا طلب واحد ارجو من كل من يقراء همومى ان يدعو لى بقلب صادق فى ظهر الغيب ان يجمع الله بينى وبين زوجى على خير وان يرزقنى الصبر والاحتساب والقدرة على تحمل المسئوليه والضغوط والله المستعان واستغفر الله الذى لا اله الا هو الحى القيوم واتوب اليه