نعم سيدي الوزير في أمارة ام القيوين وبالتحديد في الهجره والجنسيه الاخوان قبل سنه من اليوم قاموا واتصلو باصحاب الجوزات المنتهيه في بيوتهم وقاموا بتهديدهم انهم اذا ماسلموا جوازاتهم الاماراتيه المنتهيه بيبون الشرطه وبيفتشون بيوتهم وتموا يهددوننا وتموا يتصلون على البيوت من الصبح لين الليل ويهددون خلق الله ويخوفونهم ونقولهم ليش تسون فينا جزيه مب كفايه الهم الي نحن فيه قالوا هذه اوامر الوزير واستعملوا ضدنا كل انواع واشكال التهديد والترهيب لين الناس المساكين من خوفهم حد منهم سار سلمهم جوازه المنتهي وقاموا ينزلون اوامر على الناس ويقولون انها من عند وزير الداخليه

 اليوم ياسيدي الوزير هم ماطرشو ملفاتنا وابغيك اتشوف ها القرار اذا كان من عندك والى لا لانهم يقولون هذا القرار هو من عند وزير الداخليه الجماعه ماطرشوا ملفاتنا حق اللجنه والحين الاخوان في بوظبي مايستقبلون الطلبات وحقوقنا ضاعت لاكن لازم اتعرف اليوم شو قالو لنا اليوم يوم سرنا لهم وقلنا لهم حطو ها الاثباتات الجديمه الي من قبل الاتحاد وطرشوا ملفاتنا اخترعوا لنا بند جديد مب موجود في اوامر سيدي رئيس الدوله الجماعه في هجره ام القيوين يقولون مانبا اثباتاتكم الي من قبل الاتحاد تكون من أماره اخرى لازم اتكون اثباتاتكم الي من قبل الاتحاد من اماره ام القيوين وطبعا هذا الشي ما اصدره ولا امر فيه سيدي صاحب السمو رئيس الدوله حفظه الله الجماعه في أماره ام القيوين اصدروه من عندهم هذيل سيدي الوزير والله لاذمه ولاضمير ويتلاعبون في الاوامر على كيفهم لاحسيب ولارقب وبهدلونا بهدله الله وحده يعلم فيهاا

 والله اليوم اكتشفت ان الاوامر كلها تطلع من عندهم وانه وزير الداخليه ماله خص بقراراتهم شوف سيدي الوزير طول الفتره الماضيه كل مايسون شي ويامرون وينهون علينا يقولون هذي اوامر الوزير والله اليوم بس اكتشفت انهم ظلام ومايخافون الله وفوق هذا يجذبون ويقولون الوزير والوزير ومن سنتين ماعدنا مدير نشكيله الله يخليك ساعدنا وعشان تتاكد حط لنا مدير وخله بس اول اسبوع ياخذ ورقه وقلم ويسجل شكاوي الناس ويطرشها لك حتى اتعرف حجم الكارثه والمصيبه الي نحن فيها والله عدنا شياب وعدنا يهال وعدنا مرضى وعدنا وعدنا والله وحده يعلم بالحال والجماعه طول ها الفتره يكذبون علينا اونه اوامر الوزير والوزير بريئ من هذا الشي كنت أقول للناس لايمكن والله لايمكن من يكون أبوه زايد بن سلطان رحمه الله يرضى لنا بالظلم لايمكن وهذي كانت قناعاتي ولي الحق ادافع عنها لاكن الاكيد الاوادم في هجره ام القيوين بلاذمه ولاضمير يوم يسون شي يضر الناس ويقولون اوامر الوزير حسبي الله عليهم حسبي الله عليهم

.... ياالله ياعالي ياسبحان انك تيسر في الامور المعاسير ... وتحل عسرات الشدايد والامحان .... ماعاده لنا اي وسيله وتدبير ... قدصكت الحلقه ودارت على الابطان... وجيت اشتكي من زود هم وتعكير ... وابيح سد صارله وقت مابان ... حقوقنا تنهب بدون اي تبرير .. من دون لازله وعلم وتبيان ... وياليت أنحصل على الشي تفسير .. لاغير علو صوتهم على شباب وشيبان .. (الهجره في ام القيوين ) دون احترام ودون حشمه وتقدير وهذا كلام الصدق مافية تزوير ... شي حصل عندي وشفته بلاعيان ... ياسامعي اذا اسعفتك المقادير ... مرفق برفقه يا الخوي كل أنسان ... بانك توصل شكوتي دون تاخير .. للشيخ سيف بن زايد بن سلطان .. أن كنت راضي بالذي يكون ويصير .. نرضى بالذي ترضاه ياعالي الشان ...