السلام عليكم و رحمة الله و بركاته..إخواني أنا مواطنة من فئة البدون بدولة الامارات و عندنا مرسوم صادر من الشيخ زايد الله يرحمه من سنة 1985 و لحد الأن ما حصلنا على الجنسية و كل يوم نسمع وعود و هناك اجراءات يقومون بها لحل المشكله و لكن لا جديد..الحمدلله على كل حال..بس أبي منكم طريقه اتساعدوني فيها للهجرة إلى أستراليا ابصراحه ملينا و شبعنا قهر و ظلم و إهانات و الوالد من فترة يقول لي دوري لي في موضوع الهجره إلى أستراليا..خلاص نبي انهاجر مستقبلنا ضاع و الوالد فنشوه من شغله و الدور ياي على أخوي و مافي شغل حق البنات من فءة البدون كل ما قدمنا أوراقنا جهه معينه قالوا ما نستقبل بدون و الشغل للمواطنين و غيره ..إلخ الوالد تعبان نفسيا و أخوي الصغير يبي له علاج خارج الدوله و بطاقاتنا الصحية انتهت صلاحيتها من زمان و ما جددوها و كل ما مرض واحد من أصحاب البيت ما يقدر يروح المستشفى بسبة البطاقه والله ما انعرف وين انروح المشاكل اللي عندنا وايد و كبيره و خلاص الوالد يقول أنا امعزم على الهجره بأي طريقة من القهر اللي فيني مب قادره أكتب صبوعي تكسرت و أنا أكتب في كل مكان و حلوجنا عورتنا من كثر ما نتكلم و احترقنا بالشمس من كثر ما نتريا يدام بيبان الجوازات و لكن هـــــــل من مجيب؟ انتو أدرى بأحوال البدون و أي واحد بدون يقرا موضوعي بيحس بمعاناتي و ماله داعي أكتب لأن ما يحس بالنار إلا رجل واطيها تكفوووووووووووون يا إخواني ساعدوني الله يخليكم أي حد يعرف اجراءات الهجره يخبرني

مرحبا و الله انا بدي مين يساعدني . انا اريد ان اهاجر انا و زوجي و اولادي الى استراليا و لكن لا اعرف كيف ؟ و انا ليس معي سوى شهادة معهد سكرتارية بعد التاسع . ما خليت احد الا سالته لكن لم يساعدني احد. ارجوكم ارجوكم ارجوكم ارجوكم ارجوكم ساعدوني