بسم الله الرحمن الرحيم أنا أسف ا/محمود علشان أنا يمكن أطول بس علشان تحس بالموضوع "فى دراستى من الإبتدائى والإعدادى وأولى وتانية ثانوى كنت الأول على معهدي وفى الثانوية الأزهرية قدر الله وما شاء فعل حصلت على 87 % والتحقت بكلية العلوم والدي مكنش منتظر نتيجة الثانوية كان منتظر يسمع العشرة الأوائل لا أستطيع أن أصف نظرة الحزن في وجهه ,كنت داخل تايه وزى مابيقولوا أهي كلية أحسن من غيرها والسلام بس بجد عملت إللى عليا وكنت أنوى التحويل لكلية التربية "لغة فرنسية" أنا بحب اللغة وكنت حاسس إن أنا هعمل حاجه فيها بس تم رفض الطلب قلت خلاص علوم مفيش فايدة أول شعار لاقيته "الداخل مفقود والخارج مولود" قلت كويس ربنا يستر دخلت قسم بيولوجي وفى تالتة تخصصت في الميكربيولوجى وتخرجت بتقدير امتياز مع مرتبة الشرف ولا تتخيل نظرة الفرح في عيون والدي زى اللي بيقول أنت عوضتنى عن الثانوية كانت كل حياتي فى الأربع سنين الكلية والدراسة وكنت الثاني على شعبتي؛ نيجى للدراما إللى حصلت فى أول سنة من التخرج2005 لم يتم تعيين أي أحد وكده ضاعت أول فرصة وفى السنة الثانية غيرو نظام التعيين من أوائل القسم إلى أوائل الشعب طبعا أنا مش منهم لأني الثاني على شعبتي وكدة ضاعت الفرصة الثانية مفيش مشكلة قالوا فيه عقود قلت أقدم ودرست فى الكلية ترم واحد هقول لحضرتك المبلغ إللى قبضته بس متقلوش 130جنية في الترم طبعا أنا كنت صارف أضعاف هذا المبلغ بس مش مشكلة على أمل التثبيت وطبعا محصلش تركت الكلية لأن كان والدي إللى بيصرف على في خلال هذه السنوات تقدمت للأكاديمية الحربية ثلاث مرات واجتزت جميع الاختبارات كنت الأعلى تقديرا ومتفوق رياضيا اينعم مكنتش الأول بس كنت من لأن فى ناس من نوادي وممارسين للرياضة ومعاهم بطلولات بس الحمد لله كنت بتفوق عليهم وكنت بختار سباحة كمان لأن دي حاجة اختيارية وكنت بعمل زمن أول في الخمسين متر وطبعا أهم حاجة الطبي لأن ده زى مابيقولوا مفهوش واسطة كنت بعدى الطبي بدون أي استشارة طبية بس المشكلة طبعا زى ما حضرتك عارف كشف الهيئة بس والله انا طولي 174CM ووزني 62 ومفيش أي حاجه في تمنعني من الدخول بس أنت عارف طبعا دي بلد بتاع شهادات" وواسايط" طبعا مع انتظاري للكلية ضاع علي سنتين كان معظم زملائي دخلوا أماكن كويسه زى المركز القومي للبحوث وغيره زملائي اللى كانوا بيخدوا ورقي يذاكروا منه وكانوا بيعملوا زى محمود والله أنا مبقول كده حقد أو أقصد أي حاجة بس أنا عايز حضرتك تعرف اللي أنا فيه أنا زى ما بيقولوا رقصت على السلم يعنى أنا لا دخلت الجامعة ولا أي مركز بحثي دلوقتى أنا بعمل في المختبر معامل مؤمنه كامل ومش هقول لحضرتك أنا بقيت إيه في خلال سنة واحدة إداري لوحدة الهيماتولوجى ومش تخصصي مع إن فيه ناس أقدم مني وأحسن منى ومرتبي أضعاف زملائي وأحسن من اى مكان ممكن أروح فيه بس بجد مش لاقى نفسي أنا حاولت كثير ادخل المركز القومي للبحوث بس معرفتش أنا بطلب من حضرتك الطلب ده لان حاسس إن ده من حقي مش عارف ده صح ولا غلط بس كان لازم ابعت لحضرتك واعمل اللي عليا خصوصا إن والدتي شجعتني أنى ابعتلك أنا كل أملى إني أشتعل في تخصصي في مكان يعوضني عن اللى عملته ويطمن والدي من ناحيتي برجاء الرد وشكرا