انا عارفة ان مافيش حد هيقرا شكوتى وأن عمر ماحد هينصفنى بس جايز حد يسمعنى المرة دى الموضوع انا الاولى على دفعتى بكلية التربية جامعة المنصورة بقسم اللغة الفرنسية عام 2007 ولانى طلعت الاولى بعد عذاب امى واخواتى معى وخلاص بقى قلت هابقى معيدة فى كليتى وهادرس للطلبة اللغة اللى باعشقها موت كل حلمى ضاع هدر لانى ماليش واسطة تعينى معيدة وبدات لعنة الاولى تطاردنى فى كل مكان احاول اقدم للشغل فيه مثلا قدمت فى مسابقة الازهر من سنتين وكنت الاعلى تقديراً من كل المتقدمين وبالرغم من ذلك لم ينزل اسمى بين المدرسين المقبولين للتدريس بالازهر وحاولت اتقدم بشكوى للمنطقة الازهرية بالدقهلية وبقوا يزحلقونى باسباب واهمية ولما زهقت بعت شكوى لمنطقة الشكاوى الازهرية بالقاهرة وبعتوا الرد وكانت الصدمة الكبرى ان اسمى واوراقى تم حذفها من الكشوف الواردة من ازهر المنصورة وان هم قطعوا ورقى علشان يدخلوا ناس تانية بالواسطة وماعرفتش اخد حق من الازهر ايضا وبعد كده قدمت فى كل المدارس الخاصة بالمنصوره وبعد ماكنت باعمل الامتحانات الشفوى والتحريرى بهذه المدارس الخاصة وكنت باطلع ايضا الاولى فيها بقوا ياخدوا ناس تانية بدون اداء اى امتحانات لان ايضا لهم واسطة وحاولت اشتكى لكل المهمين فى بلدى ولكن احد لم ينصفنى وكل واحد يقول لى انا مااقدرش اعمل حاجة طيب انا اعمل اية اللى مش عارفة اخد فرصتى وحقى من الحياة انا تعبت كتير علشان ابقى الاولى وربنا الاعلم كم اجتهدت وتعبت وسهرت وذاكرت حتى اصير معيدة طيب ليه فتحتوا الاقسام دى مادام حتى الاول مش عايزين تعطوا لة حقة الاحسن تلغوا الاقسام دى من الكليات علشان ماتظلموش حد تانى انا كرهت كلمة الاولى بقى لى سنتين متعذبة ومااشتغلتش وايضا علشان باحب لغتى كملت دراستى وحصلت على تمهيدى الماجستير فى طرق تدريس الفرنسى 2009 بتقدير جيد جداومعايا شهادات كتيرة قوى مثل شهادة تقدير من محافظ الدقهلية فى عيد الدقهليةومعايا ICDL هافضل اخد فى شهادات على الارض لغاية امتى لغاية امتى تفوقى هايبقى سر عذابى انا واهلى انا محتاجة حد ينصفنى ويعطينى فرصتى وتوكلت عليك يارب