السلام عليكم ورحمة الله وبركاته وين خطط الكوارث وين استعداداتكم لتفادي انتشار انفلونزا الخنازير ماشفنا شي والفقارى المساكين هم الضحايا ليش مافي اهتمام من قبل وزارة الصحة ... معاكم مواطنة من مدينة كلباء، الحال ما يسر ويباله تدخل سريع من قبل الدولة والمسؤولين ،47 حالة انفلونزا الخنازير وانتوا بسلامة عندنا في كلباء والصحة صرحت عن سبع حالات والباجي خشتهم ليش يعني عسب الناس ماتخاف هي الناس خايفة من ولا شي، ولا من مسؤول حاول انه يسيطر عالوضع والمرضى مسرحين بدون عزل عن الاصحاء صرنا نخاف على عيالنا ونفسنا ،مدير المستشفى والمسؤولين كلهم بإجازة استجمام ولا على بالهم اللي يصير هذي مب حالة ، والمستشفى الجديم اللي بكلبا ماحاولوا انهم يستغلونه لعزل المرضى واذا حاولت اترمسهم مايبون حد يتدخل ، وحتى نظام التكييف اللي بالمستشفى اليديد السيستم ماله مب معزول عن غرفة العزل اللي فيها بس سريرين يعني اي مريض بيدخل المستشفى ولو كان صاحي بياخذ الفيروس وبيظهرشفت الحالة كيف،،،، لنا حق بالاستغاثة والا لأ؟؟ دخيلكم لحقوا علينا قبل لاتفنى كلبا لأنه لين فات الفوت ماينفع الصوت.