انا مش لا قى شقه اسكن فييه ولااجوز فيه ويريت شقه فى اى مكان فى مصر او سوهاج فى اخر الدنا انا عاوز شقه او وظيفه حت ولو عامل نظافه فى اى مكان

اريد شقه فى مشروع اسكان الشباب تكون فى مدينه العبور وياريت اريد اعرف المبلغ المطلوب فى التقديمه بجد اريد الرد باقصى سرعه ممكنه وتكون مساحه الشقه بين 75الى80

اناعايز اى مكان للتقديم فى اى مشروع لاسكان الشباب واى حد يقولى الشباب تعمل ايه مش حرام كده يعنى اى شقه واسلام

اريد شقه ياحكومه حرام عليكم انتو عايزين مننا ايه اكتر ما انتم عاملين فينا

تقدمت لجهاز مدينة 6 أكتوبر من حوالى أكثر من سنة ونص للتقديم على شقق الشباب وقمت بدفع مبلغ 5000ج وانتظر أعطائى الشقة لظروفى فى العمل وبرجاء موافاتى بما الحل ؟

بصوياجماعه محدش ابدا يحلم بمشروع اسكان الشباب دهوده مش لانه جميل ده لانه مشروع وهمي واللي يبني حلمه عليه يكون متاكدانه هيصحى من الحلم على كابوس الوهم اللي اسمه اسكان الشباب وديه نصيحه من مجرب انا بقالي 4سنين مخطوبه على امل استلام الشقه بتاعة وهم اسكان الشباب وكل مانسال في مكان يقولو احنا مانعرفش حاجه وقت الاستلام المسئولين هيتصلو بيكو ده حتى البنك اللي دفعنا فيه المقدم بيقولو نفس الكلام مانعرفش وتقريبا كده ان مفيش مسئولين وبعد مافات اكتر من سنه ونص على الحجز وسالنا تاني قالولنا الاستلام هيبقى في شهر3 بتاع2007ساعتهاولما جه شهر3 قالو لاشهر6 وهكذا لحد مابقينا في 7/2008 قالو استكمال البيانات هيكون اخر8/2008 والحد الاقصى للاستلام11/2008ولما روحنافي شهر 8قالو اه اه هاتو باقي الورق بس الاستلام مش هيبقى قبل شهر3/2009تفتكرو ان بعد الوعود الكدابه اللي هولتها هيصدقو حتى في ان الاستلام يكون في 3/2009؟؟؟والله العظيم ديه نصيحه مني لاي حد بيفكر مجرد التفكير انه يحجز في المشروع ده انا تقريبا بعد طول فترة الخطوبه ديه كلها يمكن انهيها والصراحه خطيبي مالوش ذنب لاننا صدقنا من الاول بس قولولي احنا ذنبنا ايه؟حسبي الله ونعم الوكيل.على فكره المشروع ده يمكن يبقى كويس انه يكون للاطفال عشان ينسو امره وينتظروا الاستلام في مرحلة الشباب ويمكن كمان الشيخوخه لكن ماينفعش ابدا الاعتماد عليه انا نصحت اللي عايز يحجز بتجربتي وربنا يوفق الجميع.......

الحل هو توفير شقق للشباب لان ذللك هو الحل الوحيداانا كمان ببحث عن شق لان تعبان من الشقق المؤقت ارجو من قراء هذه الرساله ان يجد حل لتوفير الشقق للشباب الذى يعنى من غلا الحياه وان لله وان اليه رجعون

هل فى للشباب صحيح الكلام دة ولا

اريد شقة لكى اعيش حياة هدئة ومستقرة انا ماسعنديش الحظ فى امتلك شقة من اسكان الشباب لم اجد ما ادفعة من ثمن شقة استثمارى

تفتكرو مصر فيها كام شب عاوز شقة اكتر من مليون انى حكومة ولا انى اقتصاد يسمح بكدة ان مكنش الانسان يقدم حاجة قصاد الى هياخذه يبكى حرام اشتغل وكافح متقولش مافيش شغل مصر ماليان خير اشتغل وابنى نفسك ومتقولش هتولى وسكنونى بلاش حجج فرغة

اريد شقة لله والله العظيم ظروفي صعبة

انا تقريبا مشكلتى زى كل الناس هنا عايز اتجوز ومفيش شقه لكن لو الحكومه بتضحك على الشباب فعلا ومفيش مشروع اصلا فربنا موجود قبل اى حاجه وربنا يوفقنا كلنا وياريت بدل منطلب من الحكومه نطلب من ربنا الاعلى من كل شئ

ياجماعه الحل بسيط ما الشغل مالى الدنيا والمرتبات زى الفل والمواصلات رخيصه والاكل طازه وميه ميه واسعارو ياسلام مفيش زى كده الناس كلها بتاكل وميه ميه والشقق ياسلام مليه الدنيا ومظبطه الشباب والشباب دول اللى بيطبطرو انا مش عارف هما بيطبطرو على ايه يرحمو الحكومه بقا هما عايزين ايه عايزين كل حاجه على الجاهز دول دول ولاد اقول يه بس يلا فى النهايه لازم نقول ربنا يخليلنا الحكومه دى ههيا اللى سترانا
وعجبى

اتمنى ان المسؤلين ينظرو للشباب بنظرة المغلوب على امرهم لان احنا مش عارفين نلاقيها منين ولا منين الحياة بتذداد صعوبة واحنا مكتوفين الايد والى فى وسعنا بنعملو الرأفة يا مسؤلين احنا تعبنا اتمنى تحلوها انتو لو اشتغلتو بضمير هتتحل الحل يا جماعة ان المسؤولين يشوفو شغلهم بضميروحسبنا الله ونعم الوكيل

حل هذه المشكله هو تقدم الدوله قطع اراضى للنقابات المهنيه المختلفه بحيث تقوم النقابه بسداد قيمة الارض على اقساط متساويه خلال خمس سنوات ويتم البناء خلال عام من تاريخ استلام الارض و فى حالة عدم تنفيذ المشروع فى هذه الفتره يتم سحب الارض من المخالف بشرط توفير اراضى لبناء شقق مساحات 80م و 100م و120م مدعمه من الدوله بـ15000جنيه

نقابة التطبيقيين بها اداره عامه للمجمعات الصناعيه و الخدميه و هذه الاداره ترغب فى توفير اراضى من اجهزة الدوله تكون صناعيه لانشاء مجمع صناعى فى القاهره الجديده و العبور واكتوبر باسعار حيث تم انشاء مجمع بدر الصناعى فى عام2001 به اكثر من 5000 عامل و كذلك مجمع الخانكه الصناعى به اكثر من 2300عامل عام 2005 لذلك ترغب الاداره بتوفير بناء شقق للشباب مدعمه من الدوله فى مدن التى بها المجمعات لخدمة شباب مصر و التطبيقيين

عايز أقول حاجه بجد أنا قربت اكره العيشه في مصر بسبب الفساد اللي في البلد واللي بقي عند الناس علي فكرة موضوع اسكان الشباب دا حقيقي فعلا وموجود بس مبيرحش للشباب بيروح للناس اللي بتقبل الفلوس الحرام علي نفسها وبيروح للناس اللي بتدفع من تحت الطرابيزات بجد إرحمونا بقي وكفايه فساد ياحكومه يافاسده ومش مضيع حقنا غير فساد المحليات دا حتي في كاتب انجليزي قال علي مصر ان الجهاز الحكومي بتاعنا متعفن من الفساد الشديد الذي يحويه يعني المشروع دا المفروش الشقق دي مترحش غير للشباب لكن للاسف بتروح لناس تانيه ولمصالح شخصيه وبياخدوها برخص التراب ويبيعوها بقد كدا بجد حسبي الله ونعم الوكيل في اي انسان يقبل علي نفسه قرش حرام ومش من حقه يابلد كفايه فساد وارجعو لربنا خلو ربنا يكرمنا ويرضي عنا

والله انا بقترح ان احنا نتجمع ونعما مظاهره عند هيئه المجتمعات العمرانيه ودى مكانها شارع إسماعيل أباظة - القصر العيني- القاهرة والله دا احسن حل بدل ما تبقوا اعدين كده حطين ايديكوا على خدوكو

والله يا جماعه احنا نحمد ربنا ان الحكومة مبتشلناش من بيوتنا وترمينا فى الشارع علشان توفر مساكن للنصابين اللى مش لاقيين ياكلوا ولا يشربوا الا من دمنا فنحمد ربنا على اللى احنا فيه ونسعي بردوا فى التدوير على شقق لعل الحدايه تحدف كتاكيت فاللى يقري اعلان يبعتهولى على ايميلي يمكن الكتكوت اللى تحدفه الحدايه صدفة يكون من نصيبي وشكراً

انا متزوج منذ اربعة سنوات اريد شقة من مشروع الشباب لان المعيشة صعبة جدا مش عارف اروح فين او منين وعندى طفلين ياريت الحل0122621051

ياريت يسهلو شوية الشروط لان بيقولو لازم تكون كاتب كتاب وهو اي اب دلوقتي يوافق يكتب كتاب بنته لوحد مش عنده شقة ياريت ترحمونا شوية

فات التقديم بتاع الشقه عن الزواج الحديث سنه 2000 ومقدمتش،، اعمل ايه وايه الحل، هل اقوم بالتقديم ضمن الحالات الخاصه وانا في حاجه اليها كيف احصل عليها

نحن ايضا عندنا مشكله نوريد لها حل الموضوع هو نحن من ابناء قرية سلامون مركز طما محافظة سوهاج نحن شباب القرية فينا التزوج ويعول اسرة وفينا الذى يوريد الزواج ولا يملك مسكن ونوريد الحصول على شقة بمشروع السيدالرئيس لمساعدة الشباب بمشروع مسكن مبارك للشباب ولكن التجار لم يعطوا لنا الفرصة لكى نحصل على شقة سعر الشقة ب خمسة وعشرون الف للشباب ولكن التاجر يبعها ب سبعون الف نناشد السادة المسؤلين ان ينظروا لنا بعين الرحمه ويرحموننا من قهر التجار بان لا يعطوا لهم الفرصة فى الحصول على الشقق حتى لا يظلموننا ولكم جزيل الشكر

أريد شقة لى ولوالدتى فى حدود 40000جنية حتى ولو غرفة وصالة فى مدينة نصر