عصابة اسمهم سواقين ميكروباصات

عصابة اسمهم سواقين ميكروباصات

الإسم :
الدولة : مصر
الإيميل : [email protected]
التليفون : 0101824009
تاريخ إرسال الشكوي :
Tuesday 27th of November 2007 05:47:46 AM
هل ترغب في زكر معلوماتك الشخصية : نعم
طبيعة الموضوع : شكوي

الموضوع :
السلام عليكم ورحمة اله وبركاته اولاً بهنئ اسرة برنامج البيت بيتك بأكملهم على هذا البرنامج الجميل اللى كل يوم لازم نتابعه انا والاسرة اسفة انى هعرض عليكم شكواى هذه وبرجاء هذه الشكوى تعد من ضمن الشكاوى الهامة لأنها تخصنى انا شخصياوالشكوى لغير الله مذلة انا مواطنة اعمل فى مجال المحاسبة والضرائب علشان اروح شغلى لازم اركب مرتين وتلاتة انا ساكنة فى بولاق الدكرور وعملى فى شارع العريش اخر فيصل ولما تيجى سيارة تقول اخر فيصل باقى السواقين يعملوا على الراجل روباطية ويقولوا العربية ديه مش هتمشى ومحدش يركب ويقفوا على بابا العربية ويقفلوا الباب طيب والناس لازم تركب مرتين وتلاتة انتم مش هتروحوا هناك انتم اخركم اول فيصل المساحة والراجل رايح اخر فيصل يبقى ده مش حرام وميخلوش الناس تركب لحد ما انا شخصيا اعيط واقولهم حرام عليكم عايزة اروح شغلى سيبونى اركب يقوم الانسان اللى واقف قدام باب العربية يشتمنى ويقولى شتائم مقذذة وخارجة طب ليه وده يرضى ربنا هوه ده مش حرام هما لبيرحموا لوا عايزين غيرهم يرحم اقسم بالله انا لما بلاقى عربية بتقول اخر فيصل من اول ما بركب لحد مبنزل من العربية بدعى للسواق عشان مش عنده جشع ولا طمع زى الاخرين انا اسفة انى ازعجتكم برسالتى بس انا مش عارفة اخد حقى من الناس الديه اللى حسسونا انا احنا فى غابة وحقنا ضايع كمواطنين عايزين يروحوا عملهم وفى الاخر نتشتم ومحدش يجيبلنا حقنا وانا بنت مقدرشى اقف قدم واحد زى ده سواق ميكروباص لاهاخد معاه حق ولا باطل ومش هينوبنى غير الاهانة وقلة القيمة مع واحد زى ده انا عايزة إدارة المرور الجيزة تقف للناس ديه عشان حرام اللى بيعملوه فينا واسفة مرة تانية على العطلة واشكركم جميعا والسلام عليكم ورحمة الله وبركاته

هل لديك اقتراح بخصوص هذه الشكوى ؟
أرسل لنا وساهم في إنصاف صاحبها .

عدد زوار هذه الشكوي 846