خالي عايش معانا في البيت وربنا اداله اعاقة في رجليه ومن كتر ما انا جدع معاه وكويس قالي ايه رايك انا سمعت موضوع عربيات المعاقين وهجيبهالك عشان ربنا يكرمك وتشوف اكل عيشك بيها لانها كانت هتبقى مصدر دخل ليا لانها هتساعدني في الشغل والله والله ما ااشتريتها عشان اكسب فيها ولا اخد حاجة من حد بالعكس انا دافع اكتر من تمنها اللي في السوق لو جبتها مصري انا جبتها عشان نضافة صناعتها و حالتها الكويسة مش اكتر فوجئت بعد ما جبتها ان خالي مش معاه شهادة ولا ليه في القراية والكتابة وهو معدي ال60 حاولت افك الحظر عشان امش عادي من غير مشكال قالولي رخصة قيادة حاولت اعمل رخصة قالولي محو امية وكله اتقفل في وشي وخالي جاتله ازمة قلبيه وخلاص ولا هيعرف يسوق ولا هعرف اعلمه قراية وكتابة واديه قاعد بين الحيا والموت وعايز اعمله عملية قلب مفتواغيرله شريانين ومش عارف لان فلوسي كلها في العربية انا بحلم اني افك حظرها عشان اقدر ابيعها وانقذ حياة خالي بقالي سنتين دايخ من ساعة ما جبتها في 10-2007 ومش لاقيلها اي حل يمين او شمال ارجوكو لو حد لقى حل يدلني لاني حزين عالراجل اللي بيموت كل يوم قدامي من التعب و على تعب العمر اللي مش عارف اتهنى بيه بسبب بيروقراطية اوراق و تعسف مسؤلين مصصمين ااني حرامي سارق مال الغلابة وانا اقسم بالله دافع اكتر من العادي في عربية مستعملة مش جديدة